گوهۆرینا ستایلێ سترانبێژی گه‌له‌ك یێ ب زه‌حمه‌ته
زاخۆ، عه‌لی حاجی:
سترانبێژ بزاڤ زاخۆیی، د دیداره‌كێ دا بۆ رۆژناما ئه‌ڤرۆ دیاركر كو د كلیپا وی یا نوو دا وی ستایله‌كێ نوو ب كار ئینایه و ب گۆتنا وی ده‌ستنیشانكرنا ستایله‌كێ نوو بۆ هونه‌رمه‌ندی گه‌له‌كا ب زه‌حمه‌ته و ئه‌و دبینیت ژی ستایلێ نوو ب كار ئینایی ل گه‌ل ده‌نگێ وی د گونجیت.
بزاڤی گۆت: سترانا وی یا نوو ب ناڤێ (دێ ژ من ڤه‌به) یه كو سیناریۆیا وێ به‌حس ل دو كه‌سان دكه‌ت حه‌ز ژ كچه‌كێ دكه‌ن، یێ ئێكێ ئه‌ڤینه‌كا راست دكه‌ت و یێ دویێ خاپاندنێ ل گه‌ل دكه‌ت، په‌یڤ و ئاوار یێن شه‌ڤگێر میرزای نه، ده‌نگ ل ستودیۆیا تون هاتیه تۆماركرن، حسێن سه‌عید ب كارێ ده‌رهێنانا وێ رابوویه، د سترانا نوو دا من ستایله‌كێ نوو ب كار ئینایه و بۆ ئێكه‌م جاره وی ستایلی ب كار دینم، ژبه‌ركو سترانێن ب شێوازێ كوردی و یا زاخۆییان بوو، گه‌له‌ك داخوازی هه‌بوون كو ئه‌ز ب شێوازه‌كێ سه‌رده‌می سترانه‌كێ بێژم له‌وما من ئه‌ڤ سترانه گۆت و ئه‌ز ل وێ باوه‌ریێ مه ژی دێ ده‌نگڤه‌دانا خوه هه‌بیت، و گوهۆرینا ستایلێ تایبه‌ت یێ سترانبێژی گه‌له‌كا ب زه‌حمه‌ته و هه‌ر ستایله‌كێ بزانم دێ شێم ب دروستی بێژم و دێ ل گه‌ل ده‌نگێ من گونجیت دێ بێژم و د ڤێ حه‌فتیێ دا دێ سترانا من یا نوو وه‌كو كلیپ دێ به‌لاڤ بیت.
