گوهۆرینا سیسته‌مێ خوارنێ باشترین چاره‌سه‌ریه بو نه‌خۆشێن مه‌عیدێ
ئه‌ڤرۆ، سۆلین ئیبراهیم سمو:
د.ئه‌میر ئایو ئوراها، تایبه‌تمه‌ندێ نه‌خۆشیێن دلی وهناڤان دیاركر، نه‌خوشیێن مه‌عیده‌ی گه‌له‌ك دبه‌ربه‌لاڤن دجڤاكێ مه‌دا و پتریا جورێن خوارنان كارتێكرنێن خوه هه‌نه و نه‌خۆشیێن مه‌عیدێ كارتێكرنه‌كا نه‌باش ل ده‌روونێ نه‌خۆشی ژی دكه‌ن و گۆت: نه‌خوشیێن به‌ربه‌لاف دمه‌عیده‌ی دا دبێژنێ پاشڤه‌زڤرینا سوریلانجكێ و هه‌ودانا مه‌عیدێ ژی گه‌له‌ك یا به‌ربه‌لاڤه و (قه‌رحا)مه‌عیدێ و یا دوازده‌گرێ ژی ژبه‌ربه‌لافترین جورێن نه‌خوشیا مه‌عیده‌ی نه، هه‌روه‌سا هنده‌ك نه‌خوشیێن دی ژی هه‌نه به‌لێ كێمترن.
د.ئه‌میر ئایو ئوراها دبێژیت: نه‌خۆشیا هه‌ره به‌ربه‌لاف پاشڤه‌زڤرینا سوریلانجكێ یه كو ئه‌و صه‌مامێ دنافبه‌را مه‌عیدێ و بوریا خوارنێ یا سسته وكارتێكرنێ ل بوریا خوارنێ دكه‌ت وه‌دكه‌ت ئه‌و ترشاتیا دناڤ مه‌عیده‌ی دا سه‌ردكه‌ڤیت دناڤ بوریا خوارنێ دا و تووشی هه‌ودانێ دبیت، نیشانێن وێ ئه‌ون گه‌له‌ك جارا دێ به‌رسۆژ بو نه‌خوشی چێدبیت یان سینگ دئێشیت و هنده‌ك جارا دبیته ئه‌گه‌ر هه‌ودان وحه‌ساسیا گه‌وریێ چێببیت و ئه‌گه‌رێن وێ مه‌عیده‌یه، ئه‌گه‌رێن سه‌ره‌كی بو هندێ ڤه‌دگه‌ریت بو خوارنان و تایبه‌ت ئه‌و مه‌وادێن كافایین دناڤدا هه‌ین وه‌كی چا وقه‌هوه و نیسكافی، ئه‌ڤه وه‌دكه‌ن سستاتی د صه‌مامێ مه‌عیده‌ی دا چێببیت و رێژا وێ بومروڤێن قه‌له‌و گه‌له‌ك پتره، چونكو فشارا دناڤ زكی دا زێده‌دبیت وه‌دكه‌ت ئه‌ف ترشاتیه زێده‌بیت، و گۆتژی: ئه‌گه‌رێن دی بو جورێن خوارنان دزڤریت و وه‌جبێن مه‌زن و بله‌ز بخون تایبه‌ت دره‌نگی شه‌ڤ مه‌عیده ماندی دبیت و دبیته ئه‌گه‌ر خوارن بو پاشڤه ڤه‌گه‌ریت.
تایبه‌تمه‌ندێ دل و هناڤان ئه‌وژی دیاركر كو باشترین چاره‌سه‌ری بو ڤێ نه‌خوشیێ ده‌رمان نینن، به‌لكو به‌ری بگه‌هیته قۆناغا ده‌رمانان، ئانكو باشترین چاره‌سه‌ری سیسته‌مێ ژیانا خوه بگوهورن خوارنێ وه‌جبێن بچویك و هێدی هێدی بخۆن و چار ده‌مژمێران به‌ری نڤستنێ یا پێدڤیه چ خوارنان نه‌خون، یاگرنگه تێشت به‌ری ده‌مژمێر دوازده بهێته خوارن و فراڤین ژ ده‌مژمێر سێ نه‌بوریت و شیف خوارن یا سڤك بیت و به‌ری ده‌مژمێر هه‌شت بیت ،و ڤه‌خوارنێن كه‌فایینا كێم كه‌ن و خو دویر كه‌ن ژ جگاره و نه‌رگیلان و ده‌مێ نڤستنا ته پیچه‌ك بالیفك یا بلندبیت وه‌رزش و كێمكرنا كێشا له‌شی یا گرنگه د گه‌ل ڤێ هنده‌ك جاران ده‌رمانان ب كاردئینین دا ترشاتیا مه‌عیده‌ی كێم كه‌ن ،د.ایو امیر اوراها گوت :ئه‌گه‌ر هاته پشت گوه هاڤێتن دێ ئه‌ف نیشانه به‌رده‌وام دگه‌ل بن و دل رابون ل ده‌ڤ نه‌خوشی په‌یدادبیت وكوخكه‌كا به‌رده‌وام چێدبیت ، هنده‌ك نه‌خوش ده‌رمانێن دوم درێژ وه‌ردگرن و ئه‌گه‌ر مه‌عیده‌یه ئه‌گه‌ر ئه‌ف حاله‌ته هه‌ردرێژ بوو هه‌ودانا بوریا خوارنێ چَیدبیت و ته‌نگ دبیت و جاران نه‌خوشیێن په‌نجه‌شێرێ لێ په‌یدادبن ئه‌گه‌ر هات و چاره‌سه‌ریاخو زوی نه‌كر ،وهوسا خوپاراستن باشتره ژچاره‌سه‌ریێ.
