گوهۆڕین د خشتێ كاركرنا موەلیدەیێن ئەهلـی دا هاتە كـرن
دێرەلۆك، مەحمود نهێلی:
ب مەرەما كێمكرنا بارگرانییا دارایی ل سەر وەلاتییان، رێڤەبەرییا ناوچەدارییا دێرەلۆكێ بڕیارەكا نوو دەربارەی رێكخستنا دەمژمێرێن كاركرنا موەلیدێن ئەهلی ل دەڤەرێ دا.
رێبەر سادق، رێڤەبەرێ ناوچەدارییا دێرەلۆكێ ئاشكرا كر، مەرەم ژ ڤێ پێنگاڤێ ئەوە تێچوویێ كارەبا موەلیدان ل سەر خەلكێ دەڤەرێ زێدە نەبیت و ژ لایەكێ دی ژی ڤە موەلیدە ژبەر فشارا زۆر ژ كار نەكەڤن و گۆت: «موەلیدە دێ د سێ قووناغان دا كار كەن: قووناغا ئێكێ: ژ دەمژمێر 01:00ـی نیڤرۆ هەتا 04:00ـی ئێڤاری، قووناغا دویێ: ژ دەمژمێر 05:00ـی ئێڤاری هەتا 01:00ـی شەڤێ و قووناغا سێیێ: ژ دەمژمێر 03:00ـی شەڤێ هەتا 06:00ـی سپێدێ دێ بەردەوام بن».
