گوهۆڕین د وەرگرتنا مۆلەتا شۆفێریێ دا هاتنە كرن
هەرهین محەمەد:
پەیڤدارێ رێڤەبەریا هاتنوچوونێ ل پارێزگەها دهۆكێ بۆ رۆژناما ئەڤرۆ دیار كر، دەرئێخستنا مۆلەتا شۆفێریێ ل هەرێمێ هاتە گوهۆڕین و ئیدی ئەو كەسێ داخواز بكەت، دڤێت پشكداری كورسەكێ راهێنەریا شۆفێری بیت.
عەقید ئازاد تاها، پەیڤدارێ رێڤەبەریا هاتنوچوونێ ل پارێزگەها دهۆكێ گۆت: «ل دووڤ بڕیارا وەزارەتا ناڤخۆ یا حكومەتا هەرێما كوردستانێ و هەموو رێڤەبەرێن هاتنوچوونێ، ئەو كەسێ داخوازا مۆلەتا شۆفێریێ بكەت، پێدڤیە پشكداری كورسەكێ راهێنەریا شۆفێریێ بیت و وانە و پراكتیكیا هاژیتنا ترۆمبێلێ وەرگرتبن، هەتا بشێت مۆلەتا شۆفێریێ وەربگریت، دیسا پشتی ڤێ بڕیارێ ئەو كەسێ ترۆمبێلێ ب هاژۆت، دڤێت بۆ هەموو رێنوما و پرەنسیپێن هاتنوچوونێ یێ بەرهەڤ بیت، ژ نوو دشێت داخوازا مۆلەتا شۆفێریێ بكەت».
گۆتژی: «د حەفت رۆژان دا ل نڤیسینگەهێن شۆفێریێ یێن تایبەت دێ وانە هێنە وەرگرتن و پراكتیكا شۆفێریێ ژی 12 رۆژن و ل نڤیسینگەهێن فێركرنا شۆفێریێ، ئەوان تایبەتمەندیێن خوە هنە».
