گوگل شوره‌شه‌كێ د وه‌رگێرانا ئه‌لكترۆنی دا دكه‌ت
ئه‌ڤرۆ:
ب رێیا ڤان به‌رچاڤاكان دشیان دایه كه‌سێ به‌رامبه‌ر د وی كه‌سی بگه‌هیت یێ د ئاخڤیت كو د ده‌مێ ئاخفتنێ دا بۆ دهێته وه‌رگێران.
هێش دیار نه‌بوویه كا كه‌نگی دێ كه‌ڤنه بازاری و بهایێ وان دێ چه‌ند بیت، به‌لێ ئه‌ڤه بۆ جارا دویێ یه ئه‌ڤان به‌رچاڤكان پێش دئێخن. ل سالا 2010ێ ژی گۆگل ئه‌ڤ به‌رچاڤكه خستبوونه بازاری، به‌لێ وه‌كو نها داخوازی ل سه‌ر نه‌بوو و بكران ژی گه‌له‌ك مفا ژێ وه‌رنه‌دگرت.
سوندار بیدشایی سه‌رۆكێ كۆمپانیا ئه‌لفا بێت یا گۆگلی ل دۆر ڤی بابه‌تی دبێژیت: بۆ به‌رێخوه‌دانا پاشه‌رۆژێ ئه‌لكترۆنیاتان هنده‌ك سنورێن دی یێن هه‌ین، ئه‌و ژی ب ره‌نگه‌كێ به‌رده‌وام دهێنه گوهۆڕین و به‌فره‌هكرن، ئه‌ڤه‌یه ژیوارێ ئه‌م تێدا دژین ل گۆگل، د ڤی واری دا مه گه‌له‌ك پێشكه‌فتن یا دیتی.
سه‌رۆكێ كۆمپانیێ كو ئه‌ڤ گۆتنێن خوه ل سه‌ر تۆڕێن جڤاكی به‌لاڤكرینه هێشتا دده‌ته دیاركرن كو دڤێت تو وی تشتی ببینی یێ ئه‌ز دبێژم و د هه‌مان ده‌م دا وه‌ربگری، ئه‌و وه‌كو وه‌رگێرانا خه‌لكی یه.
ڤیدیۆیه‌ك ژی هاتیه به‌لاڤكرن تێدا ب ئاشكه‌را دیار دبیت كو كه‌سه‌ك ل گه‌ل كه‌سه‌كێ د ئاخڤیت و به‌رچاڤكا دكه‌تێ وه‌كو وه‌رگێرانا فلما بۆ ل به‌ر چاڤا دیار دبیت، ئه‌ڤه نه ب تنێ گۆتنا وه‌ردگێریت، به‌لكو لڤینێن ده‌ستان ژی وه‌ردگێریت.
كۆمپانیێ پێزانین ل سه‌ر به‌رده‌ست بوونا ڤان به‌رچاڤكان به‌لاڤ نه‌كرینه، ب ره‌نكه‌كێ ئێكسه‌ر ژی تێست نه‌كرینه ل پێش چاڤ، ئه‌ڤ بابه‌ته هێلایه ڤه‌شارتی، به‌لێ زانایێن ته‌كنۆلۆژیایێ دده‌نه زانین كو د راستی دا دشیان دایه ل ڤی ماوه‌یی تشته‌كێ ژ ڤی ره‌نگی بهێته به‌رهه‌م ئینان.
هنده‌ك كه‌سان ژی به‌لاڤكریه ئه‌ڤ شێوازێ وه‌رگێرانی دێ مفایه‌كێ باش گه‌هینیته ژیانا وه‌لاتیان كو بۆ جارا ئێكێ یه د وارێ وه‌رگێرانێ دهێته پێش.
