گوھێن خوە گەلەک پاقژ نەکەن
ئه‌ڤرۆ:
ژ نیڤ شەڤ پێدا، ھەموو خێزان ژبەر قێژیێن زارۆیێ خۆ یێ دو سالی ھشیاربوون، ھەمیا بەرێ خۆ دایێ زارۆ یێ سەرێ خۆ ب بالیفکێ د قوتیت و بۆ لایێ راستێ و چەپێ دئینیت و دبەت، خێزانێ گەلەوک ھەول دان زارۆیی تەنا بکەن و بنڤیتەڤە، بەلێ ھەموو ھەولدانێن وان سەرنەگرتن و زارۆکی بەردەوام کرە گری، خێزان رابوو دەرمانەکێ ئێشکێمکرنێ دایێ، زارۆ ب تنێ بیست خولەکان نڤست و جارەکا دی رابووڤە و دوبارە دەست ب گریێ کرەڤە، رۆژا دوێ نەچاربوون زارۆ برە نوشداری و دیاربوو کو وی زارۆیی ھەودانا گوھێ ناڤین ھەیە.
ھەودانێن گوھی ژ نەخوشترین جورێن ھەودانانە’ و دبیت بێی چ دەستپێک دیارببیت، ھەودانێن گوھی ل ھەموو ژیان پەیدادبن، بەلێ پتر ل دەڤ زارۆ و سنێلەیان دھێنە دیتن و پتریا جاران مرۆڤ نەچارە قەستا نوشداری بکەت و ب تایبەت ھەکە د دژواربن.
گوە ژ سێ پشکان پێک دھێت، پشکا دەرڤە دەنگان کومڤە دکەت، کەنالێ گوھی کاردکەت بۆ گەھاندنا دەنگان بۆ پەرژانێ تەبەلا گوھی و ئەو ل سنورێ گوھی یێ دەرڤە ب دووماھی دھێن، داکو گوھێ ناڤین دەستپێ بکەن.
گوھێ ناڤین، پێکھاتیە ژ ڤالاھیەکێ کو سێ ھەستیان ب خوڤە دگریت و گوھێ دناڤدا ژ ھندەک کەنالێن ب زەحمەت پێکھاتیە کو ئاماژەیان ددەنە دەماران و ھندەک کەنال ژی وەکو کەڕێ ھەیڤێ نە کاردکەن بۆ راگرتنا ھەڤسەنگیا لەشی، ھەر پشکەک ژ وان پشکان ژی دشیاندایە ببیتە ئەگەرێ ئێشانا گوھی و پەیداکرنا ھەودانێ دناڤدا، ژ گرنگترین ئەگەرێن ئیشانا گوھی ژی پتریا جاران ھەودانن.
