گيروبوونا مووچان به‌رێ خه‌لكي دايه كڕينا ب قه‌ر
ئه‌گه‌ر ئه‌ڤرۆ سه‌حكه‌ينه گوند و باژێران كو گورانكاري لێ هاتينه كرن و به‌س ل گوندان هنده‌ك ديارده و داب و نه‌ريت يێن مايين و ئێك ژ وان تشتان ژي ئه‌وه كو به‌حسي دوكانكێن گوندان بكه‌ين هه‌ر وه‌كي به‌رێ نه و ل سه‌ر وێ رێيێ دچن و جۆره ده‌ين داريه‌ك لێ هه‌يه و خه‌لكێ گوندان ژي د ده‌ته ديار كرن و دبێژن ئه‌ڤ ديارده ژي ژ به‌ر لێك نزيك بوونێ و خزمايه‌تيێ يه.
هاولاتيه‌ك ب ناڤێ سه‌باح زوهێر گوت: ب راستي ئه‌ڤرۆ ئه‌گه‌ر بێن سه‌حكه‌ينه گوندو باژێران چو جياوازييه‌كا وه‌سا لێ نينه، لێ هه‌ر چه‌وا بيت باژێر لێ پێشكه‌ڤتي ترن و ده‌رباره‌ي دوكانكێن گوندان كو هه‌تا نها تشته‌كێ لێ هه‌ي ئه‌و ژي ده‌ين داريه ئانكو ده‌ين و قه‌ر يا ماي ل گوندان و گه‌له‌ك كه‌س هه‌ن دێ تشتا ل دوكانێ به‌ن و بێ كو باره‌ي ل وي ده‌مي بده‌تێ و ئه‌ڤ چه‌نده ژي ل باژێران نينه ئانكو به‌رڤ كێم بوونێ ڤه چوويه. گه‌نجه‌ك ژي ب ناڤێ مسلح هۆكي دا خۆيا كرن: ده‌رباره‌ي ڤي بابه‌تي ئه‌ڤ بابه‌ته هه‌تا نها يێل گوندان مايێ و نابينم كو ل باژێران ژي هه‌بيت و لێ نينه و گه‌ر هه‌بيت ژي ب رێژه‌كا كێمتر ژ گوندان لێ هه‌بيت و به‌س ئه‌ڤه دياره‌كه ل ناڤ خه‌لكي دا هه‌ي و تابيه‌ت لێ گوندان ژي و ئه‌و ژي ل به‌ر خزم و لێك نزيك بوونێ يه و جۆره هاريكاريه‌كه ل گوندان بۆ خه‌لكي دهيته كرنێ و زێده‌تر ژي گوت: به‌س دڤێت خه‌لك ژي هاريكار بيت دگه‌ل دوكانداران دا بشێن پتر خزمه‌ته‌كێ و هاريكاريه‌كا به‌رچاڤ وه‌رگرن به‌رامبه‌ر خه‌لكي . شێروان سه‌بري ئێكه ژ دوكاندارێن گوندان ل دۆر ڤي بابه‌تي دبێژيت: سه‌باره‌ت ڤێ چه‌ندێ كو ده‌ين داري ل دوكانێن گوندا هێژ مايه به‌لێ يا هه‌ي و هنده‌ك كه‌س ژي تێن تشتان دبه‌ن بێ كو چو كه‌سێ مالا وان بزانن و ئانكو ده‌فته‌ره‌كا به‌رزه هه‌يه بۆ وان كه‌سێن هوسا و گه‌ل بێن به‌حسي دوكانێن گوندان بكه‌ين، جياوازي يا هه‌ي دگه‌ل يێن باژێران، چونكي باژێران ئه‌ڤ ديارده ژي يا هه‌ي به‌س ب رێژه‌كا كێم و هه‌روه‌سا ژ به‌ر هنده‌ك هوكاران ژي كو ئێك ژ وان هوكاران دبيت ل به‌ر نياسينێ و گوندايه‌تيێ بيت. دوكانداري زێده‌تر ژي گوت ” بارێ ئابووري يێ گوندو باژێران ژي جياوازي ياهه‌ي و به‌س نها گوندان ژي ئه‌ڤ ديارده به‌ره‌ڤ كێم بوونێ ڤه دچيت و ئه‌و ژي به‌ر ده‌وله‌مه‌ند بوونا خه‌لكي يه و حال خوشيا گونديانه ” ل دوماهيێ ژي دبێژيت لێ ڤي ده‌مي كو ئه‌ڤ كاودانێن دروست بووي هنده‌ك گورانكاري هاتنه ئارا و لێ دڤێت هاريكاري هه‌بيت ژ هه‌ر لايه‌كێ بيت.
