گۆتنا سترانێ هەستێن سترانبێژی نیشا ددەن
، بێوار حەمدی:
ستترانبێژێ گەنج (عامر بەدەل) ددیدارەکێ دا بۆ بەرپەرێ هونەری یێ ڕۆژناما ئەڤرۆ گۆت: هەر ژ زارۆکاتیێ من ستران بۆ مامۆستا و قوتابیان گۆتینە و پاشی ل سالا 2018 زێدەتر چوومە دناڤ سترانگۆتنێ دا و هەتا نوکە من بتنێ کلیپەک هەیە.
دبەردەوامیا ئاخفتناخوە دا گۆتژی، ئەز بەهرا پتر سترانێن دلینی دبێژم، ژ بەر هندێ گۆتنا سترانێ هەستێن سترانبێژی نیشان ددەن، ئەز گەلەک بینەریا سترانێن مە یێن شنگالێ و باکوور و باشور و ڕۆژئاڤای ژی دکەم و جاران ژی ب سادەی سترانان دناڤ هەڤالێن خوە دا دبێژم.
عامری ئەو چەندە ژی دا زانین کو ئەو سترانێن گرێدای ئولا مەیا ئێزدیان پتر دەرونێ مرۆڤی ئارام دکەن، بتایبەت ئەگەر شێوازێ سترانگۆتنێ ب دلێ خەلکی بیت پتر پێڤە دهێنە گرێدان وگۆت: ژبلی سترانگۆتنێ ئەز ئامیرێ تەمبورێ ژی دژەنم و من گەلەک حەز لسەر ژەنینا عودێ ژی هەیە.
ناڤهاتی گۆت ژی، سترانگۆتن ژی وەکو هەر کارەکێ دی یە، پێدڤیە بەردەوام سترانبێژ خوە پێشڤە ببەت و ل سەرخوە کاربکەت، داکو دهەستێن خوە ژی دا یێ ڕاستگۆ بیت، دگەل وێ چەندێ ژی دڤێت یێ بەرهەڤ بیت بۆ هەر ڕەخنەیەکێ و ب سینگەکێ بەرفرەھ وەربگریت داکو پتر سادەییا خوە نیشان بدەت.
