گۆتنێن خەلكی ئیرادا وێ بۆ كاری زێدەتر لێ كریە
نەوزاد هلۆری:
سارا لوقمان، مەدیاكارەكا كچە ل دەڤەرا ئاكرێ،، هەر چەندە كێمتر ژ سالەكێ یە هاتیە د ناڤ بۆارێ راگەهاندنێ دا، لێ شیایە هەتا رادەكی سەرنجا خەلكی بۆ خوە راكێشیت و هیڤیێن وێ بۆ پاشەرۆژێ دگەشن.
ناڤهاتیێ بۆ رۆژناما ئەڤرۆ گۆت: هەر چەندە ژمێژە من حەزا كارێ راگەهاندنێ هەبوو، لێ ژبەر خواندنێ و مژوولبوونا من ب هندەك كاران ڤە من ئەو دەلیڤە نەبوو، پشتی دەلیڤە هاتی من دەستپێكر و دەركەفتنا منا ئێكێ ل كەنالێ لوكالی یێ دەڤەرا ئاكرێ (سۆرچی پرێس) بوو، هەتا نوكە یا بەردەوامم و ب دیتنا من تۆرێن جڤاكی دەلیڤەكا باش دایە كچان شیانێن خوە تێدا دیاربكەن و ب دیتنا من ئەو كەنالێن ل تۆرێن جڤاكی كاردكەن نوكە بووینە پێگورك بۆ كەنالێن تەلەفزیۆنی، بۆ زانین كەسێن رەوشەنبیر دەستخۆشیێ ل كارێ من دكەن و هندەك ژی رەخنێ ل من دگرن، بەلێ گۆتنێن خەلكی ل دۆر كارێ من ئیرادا من بۆ كاری زێدەتر لێ دكەن.
سارا ژ دایكبوویا سالا (2001) یە، نوكە قوتابیە ل كولیژا پەروەردێ ل ئاكرێ، ل دووماهیێ دبێژیت: من ل بەرە پشتی خواندنا خوە ب دووماهی دئینم پتر بچمە دناڤ بۆارێ راگەهاندنێ دا و سوپاسیا خێزانا خوە ب تایبەت بابێ خوە دكەم كو هەردەم پشتەڤانێ منە.
