گۆشتێ سۆر ل سەر وەلاتیان دێ هێتە بەلاڤكرن
هەولێر، قائید میرۆ:
وەزارەتا بازرگانیا ئیراقێ ئێك كیلۆیا گوشتێ سوور ب چار هزار دیناران ل سەر وەلاتیان بەلاڤ دكەت و رێڤەبەرێ گشتیێ بازرگانیا هەرێما كوردستانێ ژی دبێژیت: مە داخواز كریە گوشتێ سوور ب هەمان بهای ل سەر وەلاتیێن هەرێما كوردستانێ ژی بهێتە بەلاڤكرن.
نەوزاد شێخ كامل، رێڤەبەرێ گشتیێ بازرگانی بۆ رۆژناما ئەڤرۆ دیار كر، ل گورەی پلانەكا وەزارەتا بازرگانیا ئیراقێ گوشتێ سوور ب بهایەكێ ئەرزان ل سەر وەلاتیان دهێتە بەلاڤكرن و هەتا نوكە ل چەندین پارێزگەهێن ئیراقێ گوشتێ سوور ل سەر وەلاتیان هاتیە بەلاڤكرن و گۆت: «پرۆسا بەلاڤكرنا گوشتێ سوور دێ پارێزگەهێن هەرێما كوردستانێ ژی ڤەگریت، بەلێ ل قووناغێن د دووڤ دا دێ گەهیتە هەرێمێ».
نەوزاد شێخ كامل گۆتژی: «گوشتێ سوور ل ماركێت و جهێن گشتی دێ هێتە دانان و هەر وەلاتیەكێ بخوازیت ب بهایێ حوكمەتێ بكڕیت دێ مفاداربیت، بەری چەند رۆژان مە نڤیسارەك بۆ وەزارەتا بازرگانیا ئیراقێ هنارتیە ل دۆر بەلاڤكرنا گوشتی، بەلێ هێشتا بەرسڤا نڤیسارا مە نەهاتیەدان».
