گۆشەگیری.. پرۆڤەیێن قۆناغا بەرزەخێ
خالد عەلی سلێڤانەی
بلبلا بهار هێلان
قەستا پاییزا كرن
كەڤرا بەر و فێقی دان
دارمێوێن مە بێ بەرن
بوون گول باغ بیابان
ناڤ چیا بەلگ دوەرن
چراك و شەمالكێن من
د جەژنا مندا ڤەدمرن
::: :::
ئارمانجێن من بوون خنجەر
دسینگێ مندا چوونە خوار
خوەشیێن من بوون كەسەر
ئەز هێلام ب نالە نالە
كەتم زیندانەك بێ دەر
دوست ل من نەبوون هاوار
د شەڤا جەژنا مندا
ڤەمرین هەمی شەمال
::: :::
سال خاتر ژ سالا خواست
دەردێ من نەهات زانین
من نەدیت حەكیمێ ڕاست
و كەسێ نەدیت چ برین
لۆمە هاتن ل سەر ئاست
بیر و باوەری بڕین
د شەڤا جەژنا مندا
هەمی شەمال ڤەمرین
سێمێل 1997
