گۆلبھار حەز ژ ئەڤینیێ دکەت
ئەڤرۆ، رێوار مزیری:
گۆلبھار ئیبراھیم سترانبێژەکا کوردا رۆژئاڤایێ کوردستانێ یە، دیار کر کو دەمێ ئەو زارۆ حەزا ستران گۆتنێ ل دەف وێ پەیدابوو و بەردەوام ستران بوو ھەڤالێن خوە دگۆتن و ب پشتەڤانیا ھەڤال و خێزانا خوە شیا بھێتە د ناڤ گۆرەپانا ھونەری دا و ب گۆتنا چەندین سترانێن فلکلۆری دەست ب کارێ ستران گۆتنێ کریە،
ھێشتا بۆ بەرپەرێ ھونەری ئەڤرۆ گۆت: پشتی بوویمە سترانبێژ گەلەک گوھۆرین د ژیانا من دا پەیدابوون و د ناڤ خەلکی دا بەرنیاس بووم و ئەڤێ چەندێ ژی بارگرانیەک ئێخستە سەر ملێن من، چونکو جڤاکێ مە زوو رێیێ نا دەنە کچێن خوە ببنە سترانبێژ.
گۆت ژی: ھەتا نۆکە من چەندین سترانێن تۆمارکری ھەنە، بەلێ ژ بەر نەبوونا پشتەڤانیا مادی ھەتا نۆکە نەشیایمە چو بەرھەمان چێکەم، گۆلبھارێ ئەو چەندە ژی ئاشکراکر کو بەھرا پتریا سترانێن ئەو دبێژیت ئەڤینی نە، چونکو حەز ژ ئەڤینیێ دکەت و وێ سترانێن ئەڤینیێ بوو ھەڤژینێ خوە دگۆتن.
ل دووماھیێ ناڤبریێ گۆت: نۆکە ئەز یا خوە ئامادە دکەم بوو کلیپکرنا سترانەکێ بناڤێ (کچم) ژ پەیڤ و ئاوازێن مامۆستا رۆشدی، زێدەتر دبێژیت: من چوجاران لبەر نینە کارێ سترانگۆتنێ بھێلم، چونکو ھەڤژینێ من گەلەکێ دگەل من ھاریکار و پشتەڤانە.
