گۆهدارێ سترانێ پتره ژ مۆزیكێ
دهۆك، هه‌رهین محه‌مه‌د:
هونه‌رمه‌ندێ مۆزیكژه‌ن (سالار جه‌میل) د دیداره‌كێ دا بۆ رۆژناما ئه‌ڤرۆ دیاركر كو نوكه ئه‌و مژوولی چێكرنا كلیپه‌كێ یه بناڤێ (2020) و ل ستودیۆیا هه‌ڤال مه‌جید هاتیه تۆماركرن و ل به‌ره ل ده‌مه‌كێ نێزیك بهێته به‌لاڤكرن.
سالاری گۆت: درامایه‌ك ده‌ردكه‌ت یا سوری لبنانی بۆ ئه‌كته‌رێ سه‌ره‌كی قوسه‌ی خوری ناڤێ دراما وان بیست بیست بۆ وێ درامایێ روله‌كێ مه‌زن ئینا و گه‌له‌ك به‌رنیاس بوو ل ده‌ستپێكا درامایێ هونه‌رمه‌ندێ به‌رنیاس زیاد برجی سترانێ دبێژیت و من وه‌كو به‌گره‌وه‌ندی ئینا من كه‌ڤه‌ركریه و شوینا گۆتنێ من كریه مۆزیك ب ژه‌نینا كه‌مانێ و گه‌له‌ك جاران دگه‌له‌ك كلیپاندا من مۆزیك ل گه‌ل گه‌له‌ك مۆزیكژه‌نان مۆزیكژه‌نیه، به‌لێ ئه‌ڤ جاره من دڤیا به‌رهه‌م یێ من بخوه بیت و دیسان دناڤ تورێن من یێن تایبه‌ت یێن جڤاكی كه‌سانێن به‌رنیاس یێن سوری و لبنانی و مسری ل گه‌ل من هه‌ڤالن و ده‌مێ ئه‌و ڤی كارێ من دبینن دێ گه‌له‌ك كه‌یخوه‌ش بن و شانازیه بۆ مه كوردان.
ل دووماهیێ گۆت: خه‌لكێ مه ب وێ هژمارا مه‌زن نینه گوهدارێ مۆزیكێ بیت و گه‌له‌ك جاران ده‌می َگوهداریا سترانه‌كێ دكه‌ن ده‌ستپێكا وێ مۆزیك بیت دێ بورینن و هه‌تا كو دگه‌هیته سترانێ و مه گوهدارێ سترانێ پتر هه‌یه ژمۆزیكێ.
