گۆڤارا مەتین سالڤەگەڕا خوە یا ئێكێ ژ خۆلا پێنجێ ساخكر
شاكر ئەتروشی:
ب بەرهەڤبوونا بەرێز (ئیحسان ئامێدی) بەرپرسێ ناڤەندا خانی یا رەوشەنبیری و راگەهاندنێ و هژمارەكا ئەدیب و نڤیسكار و رۆژنامەڤان و رەوشەنبیرێن دەڤەرێ، ل ئێڤارا رۆژا دوشەمبی ، رێكەفتی 4/3/2024 گۆڤارا مەتین چالاكیەكا تایبەت ب هەلكەفتا بۆرینا سالەكێ ل سەر ژیێ گۆڤارێ د خۆلا پێنجێ دا ل هولا ئێكەتیا نڤیسەرێن كورد/تایێ دهۆكێ گێڕا و هژمارەكا بڕگان هاتنە پێشكێشكرن.
شەمال ئاكرەیی، سەرنڤیسەرێ گۆڤارا مەتین د پەیڤا دەستپێكرنا وێ چالاكیێ دا گۆت: خۆشحالین ئەم وەكو ستافێ گۆڤارێ د داماوێ سالەكێ دا ژ خۆلا پێنجێ (13) هژمارێن گۆڤارێ ب شێوەكێ رێك و پێك و د دەمێ خوە دا دەربێخین و ئەڤە چەندە ژی ب پشتەڤانیا ناڤەندا خانی بوویە و مە بزاڤكرینە د هەر ژمارەكێ دا هندەك نڤیسەر و بابەت و ڤەكۆلینێن نوو بینە مەیدانێ و ژبۆ هندێ ئاستێ گۆڤارێ بەر باشتر و بهێزتر لێ بكەین و دەرگەهێ گۆڤارێ بۆ هەموو نڤیسەران یێ ڤەكریە و د هژمارا دووماهیێ دا (245) هندەك گۆهۆڕین هاتینە كرن هەتا دبۆارێ دیزاینێ ژی دا و دێ د بەردەوام بیت.
د دووڤدا سێ سمینارێن هزری زاستی ئەكادیمی ژلایێ هەر سێ ماموستایێن زانكۆیێ (پرۆفیسۆر د: ابراهیم ئەحمەد سمۆ و د: محەمەد خدر مەولود و ماموستا عسمەت خابۆر) ڤە هاتنە پێشكێشكرن و پشتی ب دووماهی هاتین دەرگەهێ دانوستاندنێ هاتە ڤەكرن و ب ئاراستەكرنا چەند پرسیار و پێشنیازان ئەو چالاكی گەرمتر لێكر و ل دووماهیێ بیبلیۆگرافیا گۆڤارا مەتین یا سالا بۆری كو ژلایێ بەرێز (ئیسماعیل بادی) سكرتێرێ گۆڤارێ و دووماهی هژمارا گۆڤارێ (245) ل سەر بەرهەڤبوویان هانە بەلاڤكرن.
