گۆڤارا پێنگاڤ ل دەرڤەی وەلاتی خزمەتا رۆژنامەڤانیا كوردی كریە
شاكر ئەتروشی:
رۆژنامەڤان (لەیلا ئەسكەندەر) كو ئاكنجیا وەلاتێ (كەنەدا) یە، د دیدارەكێ دا بۆ رۆژناما ئەڤرۆ گۆت: ل هاڤینا سالا (1980) ل گوندێ ئەرزێ ئەز ژدایكبوویمە، دژیێ هەشت سالیێ دا ئەم ئاوەربووین و برینە كەمپا (دیاربەكرێ) مە ل وێرێ گەلەك نەخۆشی دیتن و ئەز ب سەمۆنێن ژەهركری نەخۆش بووم و پشتی چەند سالان ناڤێن مە نڤیسین بۆ دەرڤەی وەلاتی و ل هەیڤا یازدە/1992 ئەم گەهشتینە وەلاتێ كەنەدا و هەتا نوكە ل وێرێ دژین.
هەروەسا گۆت: پشتی گەهشتیمە كەنەدا من دەست ب خواندنێ كر و نوكە قوتابیا زانكۆیێ مە، سەربۆرا من ل گەل گۆڤارا (پێنگاڤ) بۆ بەری سالەكێ دزڤڕیت، كو من ب رێیا مالپەری ئەلكترونی دیتیە، لەورا ب رێیا هندەك هەڤالان مە بزاڤكرن ببینە سپۆنسەرا ئەڤێ گۆڤارێ بۆ چێكرنا مالپەرەكێ ئەلكترۆنی، نوكە ژی وەك سپۆنسەر و ئێك ژ تیما كاری ل ئەڤێ گۆڤارێ د بەردەوامین، كارێ من یێ سەرەكی پێداچوونا بابەتێن ئنگلیزی یە، ل گەل بەلاڤكرن و هنارتنا بابەتان، هنارتنا بابەتان بۆ مالپەری و ئەنجامدانا دیداران و حۆشحالم كو ل ڤێ گۆڤارێ كاردكەم، چنكو ل دەرڤەی وەلاتی گەلەك خزمەتا رۆژنامەڤانیا كوردی كریە.
