گۆگل دێ زیره‌كیا ده‌ستكرد ل وه‌رگێڕێ خوه زێده كه‌ت
ئه‌پلیكه‌یشنێ وه‌رگێرانا گۆگل ئێك ژ ئه‌پێن گرنگێن هه‌ر كه‌سه‌كی یه ب تایبه‌ت هه‌كه كه‌سه‌كی بڤێت گه‌شتێ بۆ جهه‌كی بكه‌ت. یان ژی بۆ گه‌له‌ك مه‌ره‌مێن دی ێن جودا.
ژ به‌ر كو نها جیهان د پێشكه‌فتنه‌كا گه‌له‌ك ب له‌ز دایه، كۆمپانیا گۆگل ژی بڕیار دایه كو زیره‌كیا ده‌ستكرد ل ئه‌پێ خوه یێ وه‌رگێرانێ ژی زێده بكه‌ت ب مه‌ره‌ما وێ چه‌ندێ كو پێزانینێن زێده‌تر و هه‌لبژارتنێن زێده‌تر ل سه‌ر وه‌رگێرانێ بده‌ته مه.
ب گۆره‌یی مالپه‌رێ ئه‌ندرۆید ئاسورتی د دانه‌یا بهێت یا گوگل ترانزله‌یت دا دێ دوگمه‌ك هه‌بیت ل نێزیك جهێ لێگه‌ری دێ هێته دانان تایبه‌ت ب زیره‌كیا ده‌ستكرد ڤه.
ڤێ دوگمێ «پرسیاره‌كێ بكه« یا ل سه‌ر و هه‌موو وان گۆمانان به‌رچاڤ دكه‌ت یێن ل سه‌ر ده‌قێ وه‌رگێرایی هه‌یی ئه‌وێ ژ لایێ ئه‌پلیكه‌یشنێ ڤه هاتیه وه‌رگێران.
ئه‌ڤه ژی وێ چه‌ندێ دگه‌هینیت كو ئه‌ڤ دوگمه شیانا دده‌ته مه پرسیارا ژ جیمینی بكه‌ین كو ئێكسه‌ر گرێدایی وه‌رگێرانێ بن.
دبیت ئه‌ڤ بابه‌ته زێده‌تر گرێدایی وان وه‌رگێرانێن ئالۆز بن یان تێگه‌هشتنه‌كا باشتر یێن كوور و ل دووڤ ده‌ب و كلتۆرێ جهێ بۆ دهێته وه‌رگێران یان ژی پێكهاتا رستێ یان یاسایێن راڤه‌كرنێ.
چاوان بیت، دبیت ئه‌ڤ پێنگاڤه د تێستێ دا بیت، ژ به‌ر هندێ ژی د قووناغا بهێت دا گۆگل ترانزله‌یت دا دێ یا پشكدار بیت. ئه‌ڤه ژی هه‌كه كارا ببیت دێ گه‌له‌ك ژ كارێن وه‌رگێرانێ ب ساناهی ئێخیت، هه‌ر چه‌نده ماوه‌كێ درێژه ئه‌ڤ وه‌رگێرانه دهێته كرن به‌لێ ل جهێن وه‌كو مه نه‌شیاینه مفایه‌كێ دروست ژێ وه‌رگرن ژ به‌ر وان شیاشیێن د وه‌رگێرانێ دا دهێنه كرن، ئه‌ڤجا دیار نینه ئه‌ڤه دێ ئاریشێن كوردیێ ژی چاره كه‌ت یان دێ هه‌ر هێلیته هه‌لاویستی.
