گینسا عشقا مه
بێوار هرۆری
چوو دپه‌رتووكا گینس دا
سه‌ربۆرا چیرۆكا مه
جیهان هه‌ژاند، ده‌نگ ڤه‌دا
ژنوو هل بوو شه‌مالكا مه
ئه‌م ژ دل ئه‌ڤیندار بوون
بێهنا خوه‌شیێ نه‌هات مه
دلێن مه تژی خه‌م بوون
خه‌لك گری بۆ حالێ مه
::
ڤینا مه خه‌م لێ بارین
سروودا خوه‌شیێ گۆت
هزار بیرا دوور برین
چه‌رك و دلێ مه پێ سۆت
چوو د په‌رتووكا گینیس دا
عه‌شقا مه چه‌ند بێ به‌هر
جیهانا ڤینێ هه‌ژاند
ده‌رباز بوو ب كول و قه‌هر
::
ڕۆژ ل سه‌ر مه بوونه سال
سپی داڤ كه‌تن پرچا ڕه‌ش
خه‌م بوونه دۆست و هه‌ڤال
مه نه‌بوون چ رۆژێن خوه‌ش
چوو د په‌رتووكا گینیس دا
عه‌شقا مه یا بێسنۆر
مه تام كر نه‌خوه‌شیا
هه‌می ڕه‌نگ و هه‌می جۆر
