گێڕانا كۆنسێرتان ل ئۆرپا كارەكێ ب زەحمەتە و پارە بۆ دڤێن
سولین سلێمان:
سترانبێژ (كیژان ئیبراهیم) كو دبیتە كچا هونەرمەندێ مەزن خودێ ژێ رازی (ئیبراهیم خەیات) د دیدارەكێ دا بۆ رۆژناما ئەڤرۆ گۆت: ئەڤە چەند سالن ئەز ل وەلاتێ هولەندا دژیم و ل ڤێرە و چەند وەلاتێن دی من پشكداری د چەند ئاهەنگ و كونسێرتان دا كریە و هەر جهەكێ لێ بژیم هزرا من یا ل سەر هونەرێ كوردی و دێ سترانێن كوردی بێژم.
هەروەسا گۆت: ژبەركو پتریا ئەندامێن خێزانا مە دوارێ هونەری دا كاردكەن (سترانبێژ و ئەكتەرن) و هەموو پێكڤە پشتەڤانێن منن لەورا ئەز یا بەردەوامم و وەك هونەر من چو ئاستەنگ نینن، لێ زەحمەت ئەوە ئەنجامدانا كۆنسێرتان ل ئۆرپا ئەوە گەلەك پارە پێ دڤێت هەتا بشێی هندەك مۆزیكژەنێن باش كۆمبكەی و ئاهەنگەكا سەركەفتی بگێڕی، دووماهی كارێ منژی دەمەكە مژوولی تۆماركرنا چەند سترانێن نوویە و بتنێ كلیپكرنا وان مایە.
