گەزۆ ڤی مفای دگەهینیتە زەلامان
ئەڤرۆ نیوز :
ئێك ژ چه‌رەزێن ب مفا بۆ لەشێ مرۆڤی و ب تایبه‌تی بۆ زەلامان گەزۆیه، چونكی یا ده‌وله‌مه‌نده ب چه‌ندین مادێن خوارنی و ڤیتامینان،کو لەشی د‌پارێزن ژ نه‌خۆشی و ئه‌و مادێن زیانبه‌خش یێن کو دهێنه دناڤا لەشیدا ژناڤ دبەت.
لدووڤ نووچەیەکێ کو ل مالپەرێ telegraph دا هاتیە بەلاڤکرن،بەحسێ مفایێن خوارنا گەزۆیێ دکەت بۆ زەلامان و دبێژیت، لدووڤ ڤەکۆلینەکا نوو کو ژ لایێ نۆشدارێن پسپۆر د وارێ لەشێ زەلامان دا،ئەو چەندە بۆ ده‌ركه‌فتیه كو خوارنا گەزۆیێ ژ لایێ زەلامان ڤە، ئاستێ كوالیتیا سپێرمی دناڤا لەشێ واندا زێدە دکەت،ئەڤ چەندە ل سه‌ر چه‌ندین زەلامان هاتیە تاقیكرن،کو رۆژانه نێزیكی 500 گرامێن گەزۆیێ خوارینه بۆ ماوێ ئێک هەیڤ،کو نۆشداران ئه‌و چەندە دیارکریە،کو گەزۆ هاریكاریا باشتركرنا پێكهاتێن سپێرمی ددەت دناڤا جه‌سته‌یێ زەلاماندا.
نۆشداران ده‌رباره‌ی ڤی چه‌ره‌زی چه‌ند روونكرنەک داینە،کو بۆ شیانێن جه‌سته‌یێ زەلامان ب مفانە و دبێژن، ب ئەگەرێ هەبوونا رێژه‌کا زۆر ژ دژی ئۆكسانێن ئه‌رمینۆ و ئه‌رجینین دناڤا چەرەزێ گەزۆیێ دا، هاریکاریا ئه‌ندامێ دروستكرنا سپێرمی ددەت،کو ب شێوازەکێ باش و ساخلەم وی سپێرمی دروست بكەت، هه‌روه‌سا ئه‌ڤ دژە ئۆكسانە رێگریێ دکه‌ن ژ لاوازبوونا جه‌سته‌یێ زەلامان، ژ بلی هندی ژی ئاستێ شیانێن زەلامی د دەمێ سكسی دا زێدە دكه‌ن.
