گەشتوگوزارا زاخۆ دووماھی مولەت دایە نڤێسینگەھێن گەشتوگوزارێ
ئەڤرۆ نیوز، عەلی حاجی :
د داخویانیەکێ دا چیا ئەمین رێڤەبەرێ گەشتوگوزارێ ل زاخۆ بۆ ئەڤرۆ نیوز دیارکر مولەتا دانا پارێ رسوماتا و تەئمیناتێت بانکی ھەتا دەسپێکا ھەیڤا نیسانێ بۆ خودانێن نڤێسینگەھێن گەشت و گوزارێ ل زاخۆ درێژکری یە.
نافھاتی زێدەتر گۆت: زێدەکرنا مولەتا دانا رسومات و تەئمینا بانکی پشتی وێ یەکێ ھات رێڤەبەریا دەستەیا گشتی یا گەشتو گوزارێ ل ھەرێما کوردستانێ ل سەر داخوازیا چەند لایەنەکا ماوێ وەرگرتنا رسومات و تەئمیناتێن بانکی ھەتا دەسپێکا ھەیڤا نیسانێ ھاتە درێژ کرن ، پشتی ڤی ماوەی دێ ھێنە داخستن.
ژلایەکێ دی ڤە دەربارەی خارنگەھێن گەشتوگوزاری چیا ئەمین گۆت : ١٥ خارنگەھێن گەشتوگوزاری ل رێڤەبەریا مە ھاتینە تومارکرن ، لێ د نوکە دا لژنەیەکا خەملاندنێ پێک ئینایە و دێ سەرەدانا ھەمی جھان کەت و دبیت ھژمارا خارنگەھێن گەشتو گوزاری ل زاخۆ بەرەڤ بەر ب زێدەبوونێ بچن و پێشبینیێ دکەین بگەھنە ٣٠ خارنگەھان.
