گەشتیاران دەلیڤەیێن كاری بۆ گەنجێن ئاكرێ پەیداكرینە
رەمەزان زەكەریا
سەرەدانا گەشتیاران بۆ جهێن گوزاری یێن ئاكرێ ب تنێ ژێرخانا ئابووریا گشتی ب هێزناكەت، بەلكو دەلیڤێن كاری ژی بۆ هژمارەیەكا كەسان دروستكرینە.
دایكا محەمەد كابانیە و خوارنێن كوردی ب گەشتیاران دفرۆشیت گۆت: روژانە پێنج قازانێن ئیپراخا هەتا ١٠ قازا چێدكەم، گەشتیارێن بەغدا و بەسرا و مۆسل و هەولێر و سلێمانیێ داخوازیەكا زۆرا ل سەر ئیپراخێن مە هەنە، هندەك تایبەت بۆ ئیپراخا ل هەولێر دهێنە دەڤ مە، ئەز ناگەهم بچمە چ جهان، من گەشت و سەیران نینە، ژبەر خەلكی داخازیەكا زۆر ل سەر ئیپراخا هەیە.
هونەر سابر فروشیارەكە گۆت: مە هەشت دوكان یێن هەین، شەش خێزان داهاتێ وان لسەر گەشتیارایە و خواستەكا زۆر لسەر بەرهەمێن خۆمالی هەیە، وەك سماق و هنگڤین و شەپرمانێ وان كەیڤ ب تشتێن كوردەواری دهێت و پتریا گەشتیاران بەرهەمێن خۆمالی دكرن.
لەیلا خەلیل گەشتیارەكە گۆت: ئەم ل كەركووك هاتینە و كەشوهەوایەكێ خۆش و تشتێن باش و پاقژن، ب تایبەت ئیپراخ یا گرنگە زۆر د خۆش و ب تامن، تایبەتمەندیا گەشتێن ئاكرێ ئەوە مرۆڤ هەموو جۆرە بەرهەمەكێ كوردەواری ب ساناهی و بهایەكێ گۆنجایی دشێت ب دەستڤە بینیت.
