گەشتێن عومرێ ب رێیا ئەسمانی هاتنە راگرتن
زنار تۆڤی:
پەیڤدارێ رێڤەبەریا حەج و عومرێ ل هەرێما كوردستانێ دیار كر، هەتا عومرەكارێن كوردستانێ ل سعوودیێ ب فڕۆكێ ڤەنەگەڕنەڤە چو گەشتێن عومرێ ب رێیا ئەسمانی ژ كوردستانێ بۆ سعوودیێ ناهێنە كرن.
كاروان ستوونی، پەیڤدارێ رێڤەبەرییا حەج و عومرێ بۆ رۆژناما ئەڤرۆ دیار كر، وەكو هەلویستەك بەرامبەری گیرۆكرنا ڤەگەڕاندنا وان وەلاتیێن ب فڕۆكێ گەشتا عومرێ كرین و ل سعوودیێ ئاسێ ماین، ژ ئەگەرێ نەبوونا فڕۆكێ نەچاربووینە ب پاسێ ڤەگەڕن یان ژی بمیننە ل وێرێ و گۆت: «ئەم رێكێ ب چو گەشتەكا عومرێ ب رێیا ئەسمانی ژ كوردستانێ بۆ عەرەبستانا سعوودیێ نادەین، هەتا هەموو ئەو عومرەكارێن ل وێرێ د نێزیكترین دەم دا دهێنە ڤەگەڕاندن و دل ئارامیا تەمام نەهێتەدان».
ناڤهاتی گۆتژی: «مە وەكو رێڤەبەرییا گشتییا حەج و عومڕێ ئاگەهدارییا هەموو كۆمپانیێن حەج و عومڕێ كرییە، چو گەشتێن عومرێ ب رێیا ئەسمانی رێك نەئێخن هەتا رێڤەبەریا گشتییا حەج و عومڕە رێكێ ددەتە وان، هەروەسا هۆشدارییێ ددەینە بریكارێن هێلا فڕۆكەڤانیا ئیراقی، كو پێدڤییە بزاڤێ بكەن د زووترین دەم دا عومڕەكارێن كوردستانێ ژ سعوودیێ ڤەگەڕیننەڤە، هەكە دێ رووبروو لێپرسینا یاسایی بن».
