گەف ل سەر ڕاوەستانا خولێ هەیە و پیشەكار نەچارن ژ ئیراقێ دەربكەڤن
قەیس وەیس:
پێشهاتەیێن دەڤەڕا ناڤەراست تایبەت شەرێ دناڤبەرا ئەمریكا- ئیسرائیل دژی ئیرانێ وەكرییە مەترسی ئێخستیە ل سەر بەردەوامییا گشت چالاكیێن وەرزشی ل ئیراقێ و كوردستانێ تایبەت هەڤڕكیێن خولا ستێرێن ئیراقێ یا فوتبۆلێ بوویە.
ژێدەرێن رۆژنامەڤانی ل بەغدا پایتەختێ ئیراقێ دیاركری كو ئەڤرۆ دێ فدراسیۆنا فوتبۆلا ئیراقێ كۆمبوونەكا تایبەت ئەنجامدەت ژبۆ گەنگەشێ ل سەر دووماهی پێشهاتەێن دەڤەرێ و بڕیارەكێ ل سەر بەردەوامی یان ڕاوەستیانا خولێ یان پاشئێخستنا یاریێن گەڕا 22ێ ژ هەڤڕكییان، هەكەر بڕیارا راوەستانا خولێ هاتە دان بۆچوونەك هاتیە بەلاڤكرن دبیت هەشت یانەیێن ڕێزبەندییا پێشیێ بتنێ بكەڤنە د قووناغەكا نوو دا ژبۆ دەستنیشانكرنا چار یانەیێن ئێكێ پێخەمەت پشكداریێ د قارەمانیێن دەرڤە دا.
هەروەسان دیاركر هەكە بەردەوامی پێ بهێتە دان دبیت یاریێن مایی بێ جەماوەربن یان ژی ئەو باژێرێن دكەڤنە دچارچووڤەیێ مەترسییا هێرشكرنێ دا ل یاریگەهێن وێ نە هێنە كرن، لێ دێ بڕیارا دووماهیێ دبیت ئەڤرۆ ب فەرمی بهێتە ڕاگەهاندن.
ژلایەكێ دووڤە دەنگۆباسێن چوونا هندەك ژ یاریزانێن پیشەكار یێن چەند یانەیان هاتینە پشتراست كرن، ئێكەم یاریزان ژی یێ كرواتی گۆلپارێزێ یانەیا نەفت میسان ئەنتۆنیۆ تۆتا بوویە، دووڤدا پیشەكارێ كوێتی عید ئەلرەشید یاریزانێ یانەیا جەوییە چوویە وەلاتێ خوە كوێتێ، لێ ل دووڤ ژێدەرێن رۆژنامەڤانی دبیت پشتی دووماهی هاتنا یاریێن گەڕا 21ێ كۆمەكا دی یا یاریزانێن پیشەكار ژ ئیراقێ ب دەركەڤن و دبیت ژ یانەیێن هەرێما كوردستانێ ژی داخوازییا چوونێ كربیت.
هەژی گۆتنێ یە فدراسیۆنا فوتبۆلا جیهانێ فیفا داخواز ژ هەموو وەلاتێن جیهانێ كرییە خولێن فوتبۆلێ یێن وەلاتێن خوە ب دووماهی بینن بەری دەستپێكرنا مۆندیالا 2026ێ ئەوا بڕیارە ل 13ێ خزیرانا بهێت وەلاتێن ئەمریكا، مەكسیك و نەرۆیچ بهێنە ئەنجامدان.
