گەلەكا فەرە ژنان ژی كارێن خوە هەبن
هێلین سالم:
پەروین رەشید، خانمەكا (25) سالییە، كارێ وێ دیزاینكرن و نەخشاندنا (نینوكانە) د دیدارەكێ دا بۆ رۆژنامەیا ئەڤرۆ گۆت: پشتی من خواندنا خوە ب دووماهی ئینای هزر دوێ چەندێ دا كر كو كارەكی بۆ خوە بكەم و ب هاریكاری و پشتەڤانیا خێزانێ بەری چار سالان من ئەڤ جهە ڤەكریە و خۆشحال و ئارامم ب كارێ خوە.
هەروەسا گۆت: ژبەركو ئەز دەرچۆیا پشكا شێوەكاری مە من شارەزای د دیزاینێ دا هەیە و دشێم گەلەك وێنەیێن جوان ل سەر نینوكان چێكەم و ب داهاتێ خوە ئەز هەموو كەرەستەیێن پێدڤی بۆ خوە دكڕم و ئەز هەردەم دبێژم گەلەكا فەرە ژنان ژی كارێ خوە هەبیت، چنكو چو جوداهی دناڤبەرا وێ و زەلامی دا نینە، بۆ زانین خێزان ب گشتی و هەڤژینێ من ب تایبەتی گەلەك پشتەڤانێ منە كو كاربكەم و من ژی دەلیڤە بۆ دو كچێن دی پەیداكریە كو نوكە ئەو ژی ل گەل من كاردكەن و هیڤیا من ئەوە ل دەمێ بهێت بشێم كارێ خوە بەرفرەهتر لێ بكەم، هەروەسا دەلیڤەیا كاری بۆ هژمارەكا زێدەترا كچان ڤەكەم.
