گەلەك جاران بۆ چێكرنا راپۆرتەكێ ئەز هاتیمە دەستەسەركرن
عەیشا عەجیب:
عەزیز ئەحمەد، پەیامنێرێ كەنالێ كوردستان تیڤی، ل باژێرێ موسل، د دیدارەكێ دا بۆ رۆژنامەیا ئەڤرۆ گۆت: ل سالا (2011) من ل رۆژنامەیا هەولێر و نەورۆز دەست ب كارێ راگەهاندنێ كر و ل سالا (2013) بوومە پەیامنێرێ كەنالێ كوردستان تیڤی، ل باژێرێ موسل و هەتا نوكە یێ بەردەوامم.
هەروەسا گۆت: د هەر هەیڤەكێ دا ئەز نێزیكی (25) راپۆرتان چێدكەم، چنكو رۆژنامەڤانێن كورد ل باژێرێ موسا دكێمن، لێ هەكە كارێ راگەهاندنێ ل گەل پارێزگەهێن دی یێن عیراقێ هەڤبەر بكەین، ل دەف مە پێشكەفتەكا باش ب خوە ڤە دیتیە، لێ هێشتا هندەك كێماسی ژی هەنە، بۆ زانین گەلەك جاران بۆ چێكرنا راپۆرتەكێ ب دەهان ئاریشە و ئاستەنگ بۆ من چێبووینە هەتا وی رادەی ئەز هاتیمە دەستەسەركرن ژی، لێ هەكە چەند ئاستەنگ ژی هەبن ئەز كارێ خوە ناهێلم.
