گەلەك حەزژ گۆتنا سترانێن فولكلۆری دكەم
سولین سلێمان:
سترانبێژ (لوقمان سەلیم) د دیدارەكێ دا بۆ رۆژنامەیا ئەڤرۆ گۆت: هەر ژ دەستپێكێ هەتا نوكە ئەز گەلەك حەزژ گۆتنا سترانێن فولكلۆری دكەم، چنكو من دڤێت ئەڤ جۆرە سترانە هەر د زیندی بمینن د گوهێن خەلكێ مەدا.
هەروەسا گۆت: ل سالا 2015 هەتا 2020 من گەلەك لایڤ مۆزیك هەبوون، لێ نوكە من یێن كێمكرین، ل گەل هندێ فەرە سترانبێژ نەبەس ل ستۆدیۆیێ بەلكو دناڤ جاماوەری ژی دا سترانان بێژیت، لێ د سەر هندێ را هەتا نوكە سترانبێژێن مە نەشیاینە ب پارێ سترانان ژیانەكا خۆش بۆ خێزانێن خوە دابین بكەن و هەكە هەبن ژی گەلەك دكێمن و تەمەت تبلێن دەستانە، لەورا ژبلی سترانگۆتنێ ئەڤە (34) سالن ئەز كارێ دروینا جلكان ژی دكەم.
