گەلەك دەزگەهان مافێ من خواریە
ئەڤرۆ، بێوار حەمدی:
مەدیاكار (دیار شۆكری)كو نوكە ل كەنالێ دەلال تیڤی كاردكەت، د دیدارەكێ دا بۆ رۆژنامەیا ئەڤرۆ گۆت: ئەڤە بۆ دەمێ نەه سالانە ئەز دناڤ راگەهاندنێ دا كاردكەم و هەتا نوكە من ل هژمارەكا كەنال و دەزگەهان كاركریە و خۆشحالم ب كارێ خوە.
هەروەسا گۆت: ئەز دەرچۆیێ پشكا راگەهاندنێ مە و نوكە قوتابیێ زانكۆیێ مە و ل كەنالێ دەلال تیڤی وەك پەیامنێر كاردكەم، هەروەسا من پۆدكاستەك ل هەمان دەزگەه هەیە، لێ مخابن گەلەك دەزگەهان مافێ من خوارینە، لەورا ئەم د بەردەوام نەبووین، لێ گۆهۆڕینا دەزگەهان ژی بۆ مەدیاكاری تشتەكێ نۆرمالە، لێ هەر چاوا بیت نەشیێن بێژین كو كارێ راگەهاندنێ وی نانی د دەتە مرۆڤی كو مرۆڤ یێ بێ منەت بیت، لەورا مەدیاكار نەچار دبیت كارەكێ دی دكەت.
