گەلەکێ بێ ھێز بوویم ھەست دکەم دێ دین بم
ئه‌ڤرۆ نيوز:
گەنجەکێ 23 سالی دلێ خوە بۆ ئەڤرۆ ڤەدکەت و دبێژیت: من کچەک دناڤ شەھیانەکێ دا دیت و من گەلەک حەز ژێ کر و گەلەک کەفتە دلێ من، ھەستەک لنک من پەیدا بو ، من ڤیا ئەز بخوە بخازم و ببییتە ھەڤالا ژینا من ، ئەو کچە 17 سالە و قوتابیە، ئەز ھەر یێ بەردەوام بوم لسەر ڤێ چەندێ و ئەز دچومە د رێکا قوتابخانا وێ دا بەس دا ببینم و بێھنا من فرەە ببیت، ژبەرکو کچەکا ب رەشت بو، من ژمارا خوە دابویێ ، بەلێ دو ھەیڤ بورین و پەیوەندی بمن نەکر وێ گوتبو کەسەکا نێزیکی من ئەز گەلەک حەز ژێ دکەم بەس نەشێم پەیوەندیێ پێ بکەم دترسم پەشیمان ببم ، پشتی من زانی کو ئەو ژی حەز ژ من دکەت ئەز پتر پێڤە ھاتمە گرێدان و ڤیانا من بو وێ پتر لێھات، روژەکێ پەیوەندی بمن کر و گوت ئەز ئەو کچم و گوتە من ئەز حەز دکەم تو ئێدی نەھێیە سەر رێکا من و ھەموو تشتا بدووماھیک بینە من گوتێ بوچی گوت ئەز ئێدی نەشێم بخوینم و تو ھەردەم یێ لسەر ھزرا من و نمرێن کێم وەردگرم و گۆت تو ژ من مەزنتری ئەز نزانم چ بکەم ، ژبەرکو ئەز گەلەک یێ لاواز بویم و ژ ھزرا من نادەرکەڤیت ھزر دکەم دێ دین بم ئەڤجا ھوون بۆ ڤێ ئاریشا من چ دبێژن و ئەز چ بکەم؟
گەنجێ ھێژا :
بزانە کو ھەر ژیەکێ ساخلەتێن خوە یێن ھەین و باشترە سەرەدەری بھێتە کرن لدووڤ وانا دا پەشیمانی د دووڤدا نەھێت ئەڤجا بزانە کو دژیێ سنێلیێ دا بریار دھێنە وەرگرتن و دھێنە گوھارتن لدووڤ مودا وی مروڤی، ئەڤجا دبیت جاران د لوتکا خۆشیێ دا بیت و روژا دی د کێمترین ئاست دا بیت، ئەڤجا گۆھورین نورمالە لدەف وان. باشترە دەرفەت بھێتە دان بو وێ ژی، ژبەرکو دەمێ ئەو مژوول دبن د ڤان بابەتان دا گەلەک پێڤە دھێنە گرێدان و دھێنە ئێشاندن و کارتێکرنێ لسەر ژیانا وان دکەت، ژبەرکو لایێ سوزی یێ زالە لسەر و رێژەکا کێم بو لایێ عەقلی یە لەوما ھەموو لا تێک دچن نەخاسمە خاندن لەوما دوور کەڤە دڤی ماوەی دا و باشترە ھەکە تو بابەتی بدووماھی بینی ھەکە حەزژێکرنا تە و یا وێ یا دروست بیت ب خوە بخازە و بزانە جوداھیا ژیێ ھەوە نە ئارێشەیە بەلێ وەسا دیارە کو ئەو حەز دکەت خوە تەرخان بکەت بو خاندنێ و ھەل ددەت خوە ژڤان بابەتا دوور بێخیت .
په‌يجێ دلێ خوه ڤه‌كه ل سه‌ر تۆڕا جڤاكيا فه‌يسبۆكى