گەمیەکا ب پەڕ ھاتە درۆستکرن
ئەڤرۆ نیوز، نەوزاد ھلۆری:
د نووترین داھێنان دا زانایێن ئەلمانی دا گەمیەکا نوو ب ناڤێ (The Fly Ship) دروستكر کو ژ بەر ھەبوونا ھندەک پەران دشیان دا یە بفریت ژی.
گەمیا ناڤبری بھایێ وێ 37 ملیون دولارە و شیانێن ھەلگرتنا 100 کەسان ھەیە و ب لەزاتیا 250کم د دەمژمێرەکێ دا دچیت، بەلێ دەما کو د فریت لەزاتیا وێ پتر دبیت، ئەڤ یەک ژی ژ بەر سەدەما وان پەڕایە کو ل سەر گەمیێ ھاتینە چێکرن.
ئەڤ گەمیە ب شێوەیەکێ چێکریە کو ل بن گەمیێ ھەلگرێن پەستانێن ھەوایی ھەنە و درێژاھیا وێ 37 مەترە و دەردورێن وێ ژی ھزار و 500 مەتره، ھەر وەکو گەمی ھەر ژی وەکو بالەفەر کار بکەت، ئەڤە زێدەباری وێ یەکێ کو د وارێ دەریاڤانی ژی دا دھێتە بکارئینان.
ئەڤ گەمیە دەما کو د فریت تێچوویێن کێمترن ژ فروکێن دن و پێدڤی ب 270 لیترێن پانزینێ ھەیە د دەمژمێرەکێ دا و فروکێن دن ھەر دەمژمێرەکێ پێدڤی ب سێ ھزار لیترێن پانزینێ ھەیە.
