گەنجێن دهۆكێ حەز ژ ل بەركرنا جلكێن كوردی دكەن
دژوار كۆرێمەی، گەنجەكێ خەلكێ دهۆكێ یە، بۆ دەمێ چەند سالانە دكانەكا كرێكرنا جلكێن كوردی یێن مەزنان و زارۆكان هەی، د دیدارەكێ دا بۆ رۆژنامەیا ئەڤرۆ دبێژیت: ژ سالا 2006 وەرە ئەز ڤی كاری دكەم و ژبەر گرانیا كڕینا جلكێن كوردی گەنجێن مە پەنایێ دبەنە بەر كرێكرنا وان و ل هەموو هەلكەفتنان ب تایبەت ل نەورۆز و جەژن و رۆژا جلكێن كوردی پتر گەنج دهێن جلكان ب كرێ دبەن.
هەروەسا گۆت: دەمێ من ئەڤ جهە ڤەكری بتنێ من چەند دەستەكێن كێم یێن جلكان هەبوون، لێ نوكە مە ب سەدان دەستێن ڕەنگاو ڕەنگ هەنە كو ژ خاك و بەرگیزان هەنە و هەر جلكەكێ ئەم ب كرێ ددەین پشتی دزڤڕینیت ئەم دشوین و ئوتی دكەین، بۆ زانین دبەرێ دا گەلەك جاران مە جلك داینە ب كرێ و نەزڤڕاندینە، لێ نوكە ئەو چەندە گەلەكا كێمبووی.
