گەنجێن مە خودان هزرێن باشن
دلڤین رەشید:
وێنەگر (ئاندۆ عەبدولجەبار) كو خەلكێ قەزا شەقلاوە یە و دەرچۆیێ پشكا ئایتی یە، د دیدارەكێ دا بۆ رۆژنامەیا ئەڤرۆ گۆت:
ئەز ژ مالباتا خوە فێری كارێ وێنەگرتنێ بوویمە، لەورا من بزاڤكرن دڤێ قوناغا پێشكەفتنێ و تەكنەلۆجیایێ دا هزر دهندێ دا بكەم ب شێوازەكی كلاسیك یێ كوردەواری وێنەیان ژبۆ خەلكێ بگرم، چونكی ئەڤ جۆرە هزرە ل وەلاتێن پێشكەفتی هەبووینە، لێ ل كوردستانێ هەتا رادەیەكی دكێمن و خەلكێ مە ژی گەلەك كەیفخۆش دبن ب ڤی جۆرێ وێنەگرتنێ و مە وەك مللەتێ كورد گەنجێن خودان هزرێن باش و جوان هەنە كو بشێن ب رێكا وان هزران خزمەتا جڤاكێ خوە بكەن، لەورا دخوازم گەنجێن مە د بەردەوام بن ل سەر ئارمانجین خوە هەتا كو بشێن بگەهنە هیڤی و خەونێن خوە یێن پاشەرۆژێ.
