گەنجەكێ دهۆكێ رۆبۆتەكێ (مینا) ژناڤ دبەت چێكریە
هەرهین محەمەد:
عەلی باران، گەنجەكێ باژێرێ دهۆكێ یە، ل پشكا ئای تی ل پەیمانگەها رەند یا نەحكومی كاردكەت، ئەڤە دەمەكێ درێژ بوو مژوولی چێكرنا روبۆتەكی یە كو مینا ژناڤ دبەت، د دیدارەكێ دا بۆ رۆژناما ئەڤرۆ گۆت: ئەز وسێ قوتابی مژوولی چێكرنا ڤی روبۆتی نە و ئەنجامدانا ڤان جۆرە كارا گەلەكا گرنگە گەنجێن مە، چنكو مە گەنجێن خودان شیان هەنە و د هەموو بۆاران دا كاردكەن و وان ژی روبۆت چێكرینە.
عەلی گۆت: ژبەركو د شەڕێ داعش دا گەلەك پێشمەرگەه هاتنە شەهیدكرن ب ئەگەرێ مینان، لەورا مە هزر د هندێ دا كر ژ بۆ كێمكرنا زیانێن مرۆڤی ب تایبەت برایێن پێشمەرگەهـ روبۆتەكی چێكەین كو مینا ژ ناڤ ببەت و ل جهێ پشمەرگەیەك شەهید ببیت بلا روبۆتەك ژ ناڤ بچیت و نوكە ئەڤ رۆبۆتە بتنێ مینان ژ ناڤ دبەت، بەلێ هەكە حكومەت پشتەڤانیێ ل مە بكەت ئەم دێ شێین پتر داهێنانێ دڤی روبۆتی داكەین و كاركرن ل سەر ڤی روبۆتی نەیا ب ساناهی یە و ئەو كەسێ ل سەر كاردكەت دڤێت دبۆارێ تێ ئێن تیان یێ شارەزابیت و بزانیت دێ كیژ وایرێ بڕیت.
