گەنجەكێ كورد شیایە سەرنجا براندێن جیهانی ڕابكێشت
دلڤین رەشید
لەیس محەمەد، كو كارێ نیشادانا جلكان دكەت، د دیدارەكێ دا بۆ رۆژنامەیا ئەڤرۆ دیاركر كو ئەو خەلكێ رۆژئاڤایێ كوردستانێ یە و ژیێ وی (22) سالن، خواندنا خۆ ل حەلەبێ ب دووماهی ئینایە، ژ زارۆكینیا خۆ دا حەزژ كارێ نیشادانا جلكان دكر، ل سالا (2024) چوویە وەلاتێ دوبەی و دەست ب كارێ فاشن مۆدیل كریە و نوكە بوویە فاشن مودێلەكی جیهانی.
ناڤهاتی گۆت: ژ كوردستانێ بەرب دوبەی ڤە چووم، ب ئارمانجا هندێ بگەهمە خەونێن خۆ دبۆارێ فاشن مۆدێل دا، ل باژێرەكێ وەكی دوبەی كو بەریكانەیەكا ب هێز دڤی بۆاری دا هەیە، چونكو دوبەی ب پایتەختێ فاشن مۆدیل ل رۆژهەلاتا ناڤین دهێتە نیاسین، ئەز ژی وەكو گەنجەكێ كورد ب ستایل و كارێ خۆ یێ رێكخستی شیام سەرنجا براندێن جیهانی رابكێشم و پشكداری د هژمارەكا نیشادانا جلكان دا بكەم، وێنەگرتنێن تایبەت دا بكەم براند و جلوبەرگێن جیهانی نیشا بدەم، و ب دیتنا من گەنجێن كورد شیانێن مەزن دبۆارێن جودا دا هەنە و ب كارێن خۆ و ب بزاڤ و ماندیبوونا خۆ گەنجێ كورد دشێت ل هەر جهەكی جیهانێ بیت بگەهیتە ئاستێ هەرە بلند و سەركەفتنێن مەزن تۆمار بكەت و وەكو گەنجەكی كورد ل پاشەرۆژێ دێ من براندێ خۆ یێ تایبەت هەبیت.
