گەنجەك 20 سالی د زێیێ مەزن دا خەندقی
رەمەزان زەكەریا:
گەنجەكێ گەرەكا سارمیە ل ئاكرێ، كو كرێكارە ل كارگەها رەمل و حەسۆیێ دوهی ئێڤاری 14/6/2025 دكەڤیتە د رووبارێ زێیێ مەزن دا و خەندقی.
عەقید ئیبراهیم فەریق، ڕێڤەبەرێ بەرگریا شارستانیا ئاكرێ بۆ ئەڤڕۆ گۆت: «دوهی رۆژا شەمبی، گەنجەكێ 20 سالی ب ناڤێ موهەنەد ئیسماعیل ل زێیێ مەزن خەندقی، ئەو گەنجە خەلكێ گەرەكا سارمیە ل ئاكرێ».
ناڤبری گۆتژی: «ئەو گەنجێ خەندقی، ل نێزیكی گوندێ زێراڤێ ل كارگەهەكا رەمل و حەسۆیێ كرێكاری دكر، ژ بەر بلندبوونا پلەیێن گەرمێ ڤیایە مەلەڤانیان بكەت، لێ كەفتیە د ئاڤا زێی دا و خەندقیە».
زێدەتر گۆت: «تیمێن نقۆمڤانان دەست ب لێگەڕیانا تەرمێ وی كر و د دەمەكێ كێم دا شیان تەرمێ وی ژ ئاڤێ بیننە دەرێ و بۆ نۆشداریا داد ل ئاكرێ هاتە هنارتن».
