گەنجەکى خوە کوشت
ئەڤرۆ نیوز:
دەمەکێ کێم بەری نوکە گەنجەکێ کومەلگەها وەلاتی ژێری ل دەڤەرا بارزان ژ ئەگەرەکێ نەدیار خوە کوشت.
ژێدەرەکێ ل کومەلگەها وەلاتی ژێری ل دەڤەرا بارزان نەڤیا ناڤێ خوە بێژیت بو ئەڤرۆ نیوز گۆت:(دەمەکێ کێم بەری نوکە ژ ئەگەرەکێ نەدیار گەنجەکێ بناڤێ رێوار حەسەن دژیێ 18 سالیێ دا ب گولەی خوە بریندارکر، هەتاکو گەهاندیە نەخوشخانا تەنگاڤیا ل ئامێدیێ، گیان خوە ژ دەست دا)
زێدەتر گۆت: (ئەگەرا خوە کوشتنا وی هەتا نوکە نەدیارە، کا ئەرێ وی خوە کوشتیە یان ژی گولە د دەستان دا دەرکەفتیە و ب وی کەفتیە و گیانێ خوە ژ دەستدایە)
ب گورەی زانیاریێن ئەوی ژێدەری تەرمێ وی گەنجی بو نوژداریا داد ل دهۆکێ هاتیە ڤەگوهاستن.
دهێتە زانین کو گەنجێ ناڤبری خەلکێ گوندێ شیفکێ یە و ل کومەلگەها وەلاتی ژێری ل دەڤەرا بارزان ئاکنجیە.
