گەنجەکی داوی ب ژیانا خوە ئینا
ئەڤرۆ نیوز،عەلی حاجی:
ئەمیر عەلی بەرپرسێ راگەهاندنا ساخلەمیا زاخۆ د داخویانیەکێ دا بۆ ئەڤرۆ نیوز دیار کر گەنجەکی ل تاخه‌كێ زاخۆ ژ ئەگەرەکێ نەدیار ب گولەیەکا دەبانجێ داویێ ب ژیانا خوە دئینیت.
زێدەتر ناڤهاتی گۆت: ئەو گەنج بناڤێ (م،م) ل تاخێ شەهیدان ل دەمژمێر ٥:٠٠ێ ئێڤاری گولەیەکێ ل سینگێ خوە ددەت و ئێکسەر ژیانا خوە ژ دەست ددەت و هەژی گۆتنێ یە ئەو گەنج دژیێ ١٨ سالیێ دا بوو بەلێ هەتا نوکە ئەگەرێن ڤێ روودانێ نەهاتیە زانین و نوکە دا تەرمێ وی گەنجی بۆ پزیشکیا داد ل باژێرێ دهۆکێ هاتیە رەوانە کرن و د ڤێ دەربارێ دا پۆلیسان دەست ب ڤەکۆلینان کر،ل گورەی ئاخڤتنێن کەس و کارێن وی گەنجی وی گەنجی چو کێشەیەک نەبوویە.
