گەنجەکی و چەند سنێلان دەستدرێژی کرە سەر
ئه‌ڤرۆ نيوز:
پارێزەرەکێ دادگەھا دھۆکێ راگەھاند، کو کچەکا سنێلە ژیێ وێ 15 سال بو پەیوەندی ل گەل گەلەک کوران ھەبوون، ل گەل کورەکی دەرکەفت بوو و وی کوری ھەڤالەکێ مەزن ھەبوو کوستەرەک ھەبوو، ئەڤ کچە ب رێیا قوتابخانێ ھەر جارەکێ ب ھێجەتەکێ دەردکەت، جارەکێ ل کەل وی کوری دەرکەفت بوو د کوستەرێ دا شوفێری پەردە دانان و ئەو و ھەڤالێن خوە دو ھەتا چار کەسان بوون ئێک ل دووڤ ئێکی د چوونە دەڤ.
پارێزەر و جڤاکناس شڤان فارس کۆرەمارکی ل دادگەھا دھۆکێ بۆ ئەڤرۆ دیارکر کو کچەکا سنێلە ژیێ وێ دبن 18 سالیێ دا بۆ ئانکو 15 سالیێ دا بو ل پولا دویێ ناڤنجی بوو و گۆت: پەیوەندی ل گەل گەلەک کوران ھەبوون، ئەڤ کچە ل گەل کورەکی دەرکەفت بوو و وی کوری ھەڤالەکێ مەزن ھەبوو کوستەرەک ھەبوو، ئەڤ کچە ب رێیا قوتابخانێ ھەر جارەکێ ب ھێجەتەکێ دەردکەت جار دا خوە نەخۆش کەت یان بێژیت مە ھەلکەفتەکا ل مال ھەی دا بەس دەرکەڤیت، جارەکێ ل کەل وی کوری دەرکەفت بوو د کوستەرێ دا شوفێری پەردە دانان و ئەو و ھەڤالێن خوە دو ھەتا چار کەسان بوون ئێک ل دووڤ ئێکی د چوونە دەڤ، ئەڤ کوستەرە ھەر ل دورێن قوتابخانێ د راوەستاند ئانکو ھەر ل نێزیکی مالا کچێ ب چەند گەرەکا وێڤەتر، پەردە د گرتن و کەسێ چ گومان ژێ نەدبرن. ناڤھاتی گۆتژی ئەڤ رەفتارا سکسی ل گەل دھاتەکرن و ھەر کچ بوو ژی، دەمێ دیار بووی کو کچە و سنێلەییە رەزامەندییا وێ د قانوونێ دا ناھێتە وەرگرتن کو وێ ماف ھەبیت ئەو ڤێ کریارێ بکەت دبیتە زۆرداری چونکو عاقلێ وێ یێ تمام نینە، د نێرینا قانوونێ دا بریارێن وێ نە د تمامن ژلایێ قانوونیڤە، شڤانی ئاشکراکر ژی کو ئەڤ کچە چەند جارەکا گیرو دبوو زوو نەدزڤری مال دایکا ب رێیا ھندەک ھەڤالا زانی کو کچا وێ دچیتە ل گەل ھندەک کورا رابوو سکالا دژی وان ل دادگەھێ تومارکر، سنێلەکی ژ وان دانپێدانکر ژیێ وی 17 سال بوون کو وی دەستدرێژی کریە سەر ڤێ کچا سنێلە کو (لواگە) بو دادگەھێ ل دووڤ مادێ 394 ێ ب سزایێ دو سالان حوکمکر و غورامە ژی کر و قەرەبوو بو کچا سنێلە ھاتەدان شوفێرێ کوستەرێ ئینکارکر کو ئەڤ کریارە د کوستەرا وی دا ھاتبیتەکرن، بەلێ ژیێ وی گەھشت بوو 18 سالیێ ئانکو ژیێ قانوونی یە لێپرسین ل گەل دھێتەکرن و دووماھیێ دانپێدانێ دکەت و چار سالان دھێتە حوکمکرن.
زێدەتر گۆت: ئەو ھەردو سنێلێن دیتر ھەر ئێک ژ وان سالەک و شەش ھەیڤان ھاتە حوکمکرن و قەرەبوو بۆ کچێ ھاتەدان ھەتا چار ملیونا ژ بابێن ڤان سنێلان ھاتنە وەرگرتن. ل دووماھیێ پارێزەری دا زانین ژی کو ئەڤە ژی خافلەتیا دایک و بابا بۆ بو کچا ژیێ وێ دبن 15 سالیێ دا کا چەوا ژ قوتابخانێ دەردکەڤیت و کیڤە دچیت و ل گەل کێ دچیت ئانکو سەردانا ڤێ کچێ ل قوتابخانێ نەکر بوو و دووڤچوونا وێ نەکربوو کا دمینتە ل قوتابخانێ نامینیت یا چالاکە یان نە، دەمێ دھێتە مال زوو دزڤریت یان گیرو دبیت، ئەگەرێ سەرەکی خەمسارییا دایک و بابایە.