گەنجەکێ کورد ل نەرویج پۆستەکێ بلند وەردگریت
ئەڤرۆ، ئاراس سوبحی رەشاڤایی:
مانی حسێن یێ تەمەن ٢٦ سالی کوردێ رۆژئاڤا کوردستانێ یە، ژ ئالیێ کۆمیتا ھەلبژارتنێن ئێکەتیا لاوێن نەرویج یا پارتا کرێکارێن نەرویج ڤە وەکو سەرۆکێ ڤێ ئێکەتیێ ھاتە ھەلبژارتن.
ئیکەتیا لاوێن نەرویج یا پارتا کرێکارێن نەرویج ب مەزنترین رێکخراوا لاوان و قوتابیان ل سەر ئاستێ وەلاتێ نەرویج دھێتە ھژمارتن، ل گۆر راگەھاندنا نەرویجی، ئەڤە بۆ جارا ئێکێ یە پەنابەرەک ڤێ پلەیا مەزن ل سەر ئاستێ وەلاتێ نەرویج وەردگریت.
ژبەر گرنگیا ڤی پۆستەی ل سەر ئاستێ لاوێن نەرویج، پشتی مانی حسێن ھاتیە ھەلبژارتن، وەلاتیەکی نەرویجی ل سەر تورا جڤاکی یا فێسبوکێ خوە نڤێسیە (پێدڤیە ئەو کۆمیتا ئەڤ گەنجێ کورد ھەلبژارتی ھەموو بھێنە سێدارەدان) لەوما و ژ بەر ڤێ چەندێ پارتا کرێکارێن نەرویج ب فەرمی سکالایەک ل سەر وی وەلاتیێ نەرویجی تومارکریە.
مانی حسێن نوکە ل زانکۆیا ئوسلو دخووینیت و ئەندامێ یەدەک یێ پەرلەمانێ نەرویجە و ئەڤە ١٦ سالن ل گەل مالباتا خوە ل وەلاتێ نەرویج دژیت.
