گەنج چینا هەرە گرنگا جڤاكیە
سولین سلێمان
د جیهانێدا گەنج سەر ب چەند بیاڤەكا د بەلاڤكرینە، وەكی كارمەند د كەرتێ تایبەت و كارمەند د كەرتێ گشتی و خودان كارێ سەربخۆ و بێكار، لاس هێرش ڤەكۆلەرێ جڤاكی د دیدارەكێدا بۆ رۆژناما ئەڤرۆ دبێژیت: هەر ئێك د ڤان دابەشبونا كارتێكرنێن خۆ هەنە ل سەر كەسایەتیا هزرا گەنجان.
زێدەتر گۆت: بون ب خودان كارێ سەربخو ئێكە ژ فاكتەرێن هەری گرنگ ژ بۆ دەتڤەئینانا سەرمایێ د لایێ گەنجانڤە چنكی ژبۆ رەوشەكا هوسا گەلەكا گرنگە.
ئاماژەكر: گەنجێن مە بێبەهر نینە دڤێ ڤەكرنا ب لەزدا ب تایبەتیژی ژبەر ئەو رەوشا نۆكەیا ئابوریا هەرێما كوردستانێ و نەبونیا دامەزراندنێ د كەرتێ گشتیدا ، دیسا ژی نەبونا پلانێ ژ بۆ رێكخستنا پسپۆریێن گەنجان ئەگەرەكا دیە.
ئاشكرا ژی كر: دا كو گەنج بشێت ببیتە خودان سەرمایا خو پێتڤیە ئەڤ چەند خالە بهێنە بجهئینان ئەو ژی (پێدانا قەرزێ بچووك ب گەنجان ژ لایێ حكومەتێ ژ بۆ دامەزراندنا پرۆژێن بچووك، ڤەكرنا خولێن پیشەیی ژلایێ حكومەتێ دا كو بشێن ببنە خودان كارێن خۆ د جهێن باش كاری سەر بكەن و تەكنەلۆژیاژی ئێكە ژ وان رێكێن ساناهی كۆ گەنج دێشێت ب سەرمایەكا بچووك ژی دەرڤەیا هاریكاریا حكومەتێ دێ شێن ببنە خودان كارێ خۆ، نۆكەدا كارێ ئونڵاین ئێ كر ژ كارێن هەرە بەرفرەهـ و پر بەرهەمە.
گۆت ژی: پێشكەشكرنا پرۆژە و هزران ب رێكخراوێن گەنجان ژ بۆ بون ب خودان كارێ سەربەخۆ.
