گەندەل کینە؟
پتریا جڤاکێ مە گلەیی ھەبوون ل سەر گەندەلیێ ئەڤجا ژ ئابوورناسان ورەوشەنبیران بگروە ھەتا وەلاتیان و ل دەمێ کابینا حەفت و گەلەک لایەنان درووشمێ خوە کر بوو چاکسازی و ھەمی مللەتی ھزردکرن کو دێ پێنگاڤ و ھەولێن باش ھەبن بۆ چارەسەریێ، لێ نوکە ئەم نابینین کو تشتێ پێشچاڤ ھاڤێتبن یان دەمێ چووینە ل ناڤ گۆرەپانێ نەکو وەکی ل دەرڤەبوون و خوە دیتن کو چارەسەری نەیا ب ساناھیە ژ بەر گەلەک ئەگەران و پێدڤی ب دەمەکێ درێژە و ب دیتنا من چارەسەری و چاکسازی ل ھەمی تەخ و چینێن مللەتی ڤەدگریت نەکو حوکمەت یان پارتێن سیاسی ب تنێ، چونکی دەسپێکا گەندەلیێ ژ وەلاتیانە، چونکی نە د ھاریکارن بۆ دەستنیشانکرنا گەندەلان و ژ بلی ھندێ وژدانا مە ھەمیان نەیا پاکە ھەمیان دڤێت دەولەمەند بن ول ھەمی دەلیڤێن ژیانێ دەسپێکێ دکەت ل کرێکاری و جۆتیاری و بازارێ مە ژ سەوزفرۆش و پەرۆک فرۆشان جلک فرۆشان..ھتد. بەری وان خودان مولکێن مەزن ل بازاری کو بھایێ کریێ گران دکەن و دبیتە ئەگەرا گرانی و کەس رازی نابیت کێمتر ٥٠% ژ مفایی یان ھندەک ١٠٠% ژبھایێ کریاری، ھەروەسا خودان کار، فیتەر، کارەبایی، دارتاش، ئاسنگەر و خودان کارێن مرۆڤاتی وەک پزیشک، دەرمانساز، ئەندازیار، مامۆستا … ھتد و ئەو کی مایە بھایێ خوە بەرز نەکەت ژ کیستێ وەلاتیان ل دەمێ کارێ فەرمی لاوازیێ دکەن د کارێ خوە دا، ئەڤە ھەمی مایتێکرنێ دکەت ل سەر ئابوورا فەرمانبەران کو ئەو ژی دەلیڤێن گەندەلیێ بدەستڤەبینن و پشتی ھنگێ ژبەرپرسا ڤەدگریت و گەندەلی دبیتە نەخۆشیەکا ڤەگر، ڤێجا ئەم یێن دکابینا ھەشت دا و یا فەرە چاڤدێریا ئابووری و بازرگانی و ھەروەسا ئاسایشا ئابووری ب رۆلێ خوە رابن و بھێنە ھاندان و پشتەڤانیا وان بێتە کرن ژ لایێ دەزگەھێن بلند دا کارێ خوە باشتر ئەنجامبدەن و د مەترسیان دا نەبن ژ بەر فشارا ھندەک خودان دەستھەلات و دەستدرێژان ئەوێن زیان ب بەرژەوەندیا وان یا تایبەت دکەڤیت، پێدڤیە ھەمی سەندیکا رۆلێ خوە ببینن و ھاریکاربن بۆ نەھێلانا گرانیێ د بھایێ کارێ خوە دا سەبارەت ھەمی خودان کاران، ھەکە ئەم جوداھیێ بکەین بھایێ بازارێن ھەرێمێ ل گەل دەولەتێن دەوروبەر ھەتا ئەورۆپا و ئەمریکا دێ بینین بازارێن ھەرێمێ ژ ھەمی دەلیڤێن ژیانێ گرانترە و بھایێ کەلوپەلان بەرزترە ژ ڤان دەولەتا و ژ عیراقێ ژی و سامانێن مە یێن سروشتی ژ وان زۆرترن و مرۆڤ نەکو ب زۆریا دراڤی سەرفەراز دبیت، بەلکو ب خزمەتا گەل و وەلاتێ خوە و مێژوویێ چ دەولەمەند ل ناڤ خوە دا تومار نەکرینە وەک رێزگرتن بەلکو خودان قوربانی و خزمەت ورەوشتێن جوان.
ڤیجا بازارێ ئازاد و بەرللایی نە د بەرژەوەندیا ئابوورێ مە دایە، چونکی دێ بیتە بارگرانی بۆ خزینا ھەرێمێ ھەروەسا خرابکرنا سیستەمێن پاک و وژدانا وەلاتیان ڤێجا پێدڤیە راستڤەکرنا شاشیا و سالوخەتێن نەباش بێتە کرن .
