گەڕا سێیێ یا فیستەڤالا فلمێن كوردی موسكۆ دێ دەست پێ كەت
بڕیارە ل رۆژا شەشی هەیڤا ئیلۆنا ئەڤ سالە فیستەڤالا سێیێ یا فلمێن كوردی ل موسكۆ دەست پێ بكەت و هەتا رۆژا 17 هەیڤا ئیلۆنا هەمان سال یا بەردەوام بیت، ئەڤ فیستەڤالە دێ بۆ دەمێ 12 رۆژان یا بەردەوام بیت و ب هاریكاری و پشتەڤانیا كوردستان24 ل هۆلا سینەمایا ئەكتیابرسكی ل جادا نۆڤی ئەرباتی ل مۆسكۆ یا پایتەختێ رووسیا هێتە ئەنجامدان.
گۆلیزار گەردەنزەری، رێڤەبەرا گەڕا سێیێ یا فیستەڤالا فلمێن كوردی موسكۆ بۆ كوردستان24 دیار كر كو فیستەڤالا ئەڤ سالە دێ تیشكێ خستە سەر فەرهەنگا مێژوویا كوردێن ئیرانێ و رۆژهەلاتێ كوردستانێ و گۆت: «پۆستەرێ گەڕا سێیێ یا فیستەڤالێ ب هنارەكا سوور ل سەر بەگراوندەكێ زەر یێ نەرم هاتیە نەخشاندن كو هێمایێ رۆژهەلاتێ كوردستانێ یە».
گۆلیزارێ خویا كر كو فلمێن سەرنجڕاكێش دێ هێنە نیشادان بۆ نیشادانا گەنجینەكا دەولەمەندا كەلتۆری و ئاشنابوون ب سینەماكارێن خودان شیانێن كورد و گۆت: «ئەڤ الە ب شێوەیەكێ گشتی 41 فلم ژ وەلاتێن جیهانێ پشكدارن».
هەژی گۆتنێ یە كو ئەڤ فیستەڤالە ژ لایێ وەزارەتا كەلتۆری یا رووسیا ڤە چوویە د ناڤ لیستا فیستەڤالێن نێڤدەولەتی یێن فلمان كو ل رووسیا فیدڕال بۆ سالا 2023 دێ هێنە ئەنجامدان.
