گەڕەكا ئاگرین بەرانبەر یانەیێن كوردستانی یە
بڕیارە سوبەهی دەست ب هەڤڕكیێن گەڕا 26ێ ژ خولا ستێرێن ئیراقێ یا فوتبۆلێ ب ئەنجامدانا دو یارییان بهێنە كرن، یانەیێن كوردستانی بەرانبەر هەڤڕكێن بهێزن و چاڤ ل پێشڤەچوونێ نە د ڕێزبەندیێ دا.
زاخۆ ل بەغدایە
تیما یانەیا زاخۆ دێ سوبەهی ل یاریگەها كەرخ ل پایتەختێ ئیراقێ بەغدا بیتە مێڤانا یانەیا ئەمانەت بەغدا ئەوا دێ ل دەمژمێر 7:30 شەڤ هێتە كرن، كوڕێن خابۆری ل رێزا حەفتێ دهێن ب كۆمكرنا 43 خالان ژ 12 سەركەڤتن، حەفت وەكهەڤی و شە خوسارەتیان، ژلایێ خوەڤە ئەمانەت بەغدا 24 خال ل ڕێزا 16ێ دهێت.
دهۆك و تەلەبە د كۆپیتگێ دا
چاڤەڕێ دهێتە كرن ل شەمبییا بهێت دهۆك دناڤ ئەرد وجەماوەرێ خوە دا مێڤاندارییا یانەیا تەلەبە ل دەمژمێر پێنجێ ئێڤاری بكە تكو بیتە كۆپیتگا یاریێن ڤێ حەفتیێ، ئەلهۆیێن چیا خودانا 34 خالان ل ڕێزا 10ێ دهێت ژ نەهـ سەركەڤتن، حەفت وەكهەڤی و نەهـ خوسارەتیان، تیما مێڤان ڕێزا چارێ دهێت ب48 خالان.
هەولێر ل ناسریێ یە
تیما یانەیا هەولێر دێ ل ئێكشەمبییا بهێت یاریگەها ناسرییە بیتە مێڤانا یانەیا ئەلغراف ل دەمژمێر پێنجێ ئێڤاری، هەولێر خودانا 51 خالانە ل ڕێزا سێیێ دهێت، ئەلغراف 32 خال هەنە ل ڕێزا 13ێ دهێت.
نەورۆز بەرانبەر دیالا
بڕیارە ل شەمبییا بهێت یانەیا نەورۆز ببیتە مێڤانا یانەیا دیالا ئەوا دێ ل دەمژمێر پێنجی ئێڤاری هێتە كرن، نەورۆز37 خال كۆمكرینە ڕێزا نەهێ دهێت و دیالا 31 خال هەنە ل ڕێزا 14ێ دهێت.
ژ یاریێن دی یێن ڤێ گەڕێ
سوبەهی ئەینی، مووسل- كەرخ، یاریگەها دهۆك.
شەمبیێ، نەجەف- شورتە، زەورا- ئەلگەرمە.
ئێكشەمبی، كارەبا- ئەلقاسم، جەوییە-نەفت، مینا-نەفت میسان.
