ھانی دێ بۆ جەژنێ ل دھۆکێ بيت؟
ئەڤرۆ: شاكر ئه‌ترووشى
سترانبێژا دووری وەلات ھانیێ راگەھاند کو د بەرنامێ وێ دا نینە بۆ جەژنا قوربانی بھێتە کوردستانێ و گۆت: من چو ئاھەنگ ل دھۆکێ نینن.
ناڤبریێ دبەرنامەکێ ھونەری دا ل گەل رادیۆیەکا نافخوەیی حێبەتیا خوە ھەمبەر وی پەیامی دیارکر کو بەری نھۆ چەند سایتان بەلاڤکربوو ئەو بۆ جەژنێ دێ ھێتە ھەرێما کوردستانێ و سێ ئاھەنگان دێ ل ھەولێر و سلێمانیێ و دھۆکێ گێریت.
ھەروەسا گۆت: من گەلەک حەزدکر ئەز ھاتبامە کوردستانێ، لێ بەری ھەر تشتەکی کاودانێن من ل ڤێرە جارێ دەست نادەن، ھەروەسا ئەو رەوشا نھۆ ل ھندەک دەڤەرێن کوردستانێ ھەیی ب تایبەتی ژی ل دەڤەرا شنگالێ و جەلەولا ناخوازنە ھندێ دڤی دەمی دا ئاھەنگ بھێنە گێران و نھۆ چاڤێ مە یێ مزگینێن خوش و سەرکەفتنێن مەزن و ھەردەمێ مەدیت ئەو دەڤەر ژ تیرۆستان ھاتنە رامالین ئەزا بەرھەڤم بھێم ئاھەنگێن سەرکەفتنێ بۆ بگێرم و ب ئانەھیا خودێ و ب پشتەڤانیا پێشمەرگێن قەھرەمان ئەو رۆژ یا نێزیکە.
