ھشیاری پێلێن سەرمایێ بن
ئه‌ڤرۆ نيوز:
ڤەکۆلینەکا نوو ئاشکرا دکەت کو دبیت سر و سەقەم ببنە ئەگەرێ چێبوونا جەلتا دلی، ڤەکۆلینا ئەنجامێن وێ د رۆژنامەیا دەیلی میل یا بریتانی دا بەلاڤ بووین ئاشکرا کر، جەلتێن دلی یێن دبنە گەف ل سەر ژیانا مرۆڤی د رۆژێن سار و بایێ ب ھێز ھەبیت و ژبەر نەبوونا تیشکا رۆژێ دروست دبن.
ڤەکۆلینێ ئاشکرا کرییە کو دەمێ پلەیێن گەرمێ دگەھنە ژێر سفرێ مرۆڤ ب رێژەیا 10% پتر تووشی جەلتێن دلی دبن، پرۆفیسۆر دیڤید ئیرلینگ ژ زانکۆیا لۆند یا سوێدێ ئاشکرا دکەت، سەقایێ سار و دەمێ بەستی چێدبیت دبیتە ئەگەر دەمارێن خوینێ تێک بچن و تەنگ ببن و رێ ل بەر ئوکسجینی دگرن کو بگەھیتە دلی، ھەروەسا نەخۆشیێن سەرمایێ ژی وەکو پەرسیڤ و کۆخکێ پتر ل زڤستانێ بەلاڤە دبن و ئەو یەک دبیت ببیتە ئەگەرێ چێبوونا جەلتا دلی.
ڤەکۆلەران رەوشا سەقا د 16 سالان شرۆڤە کر و د گەل ھژمارا تووشبوویێن ب جەلتا دلی ل سالێن 1998 – 2013 بەراورد کر، د کارێ شرۆڤەکرنێ و ھەمبەرکرنێ دا کو داتایێن 247.000 کەسێن ژ 50 – 89 سالی ھاتبوونە شرۆڤەکرن.
ڤەکۆلەران وەسا ئاشکرا کر، پەیوەندیەکا ئاشکرا د ناڤبەرا رۆژێن سار و بایێ ب ھێز و کێمبوونا تیشکا رۆژێ و تووشبوونا ب جەلتا دلی ھەیە.
