ھندەک خوارن ل رەمەزانێ کارتێکرنێ ل گێولی دکەن
ئه‌ڤرۆ نيوز:
د گەل کێمبوونا سەعەتێ، خورانێ ل مەھا رەمەزانێ، تایبەتمەند شیرەتان دکەن ھای ژ جۆرێ خوارنێ بن، کو ھندەک خوارن کارتێکرنێ ل گێولی و شیانێن مرۆڤی بۆ بێھنڤەدانێ دکەن.
تایبەتمەندەکا خوارنێ ئاشکرا دکەت، ھندەک جۆرێن خوارنێ یێن دیار ھەنە د ھاریکارن بۆ خۆشکرنا گێولێ مرۆڤی و تەنابوونێ، گشت ژی: خوارن و راھێنانێن وەرزشی ب ئاوایەکێ مەزن کارتێکرنێ ل مێشکێ مرۆڤی دکەن.
تایبەتمەندا خورانێ ئاشکرا ژی کر؛ مەکنیسیۆم ھاریکاریا وان مرۆڤان دکەت یێن ھەست ب نەئارامیێ دکەن و نەشێن بنڤن، ئەو ماددە ژی د ناڤ شوکولاتێن تۆخ و مۆزێ و ئەفوکادویێ و زەرزەواتێ کەسک وەکو سپیناغێ ھەی.
گۆت ژی؛ ماددەیێ ئۆمێگا 3 گەلەکێ گرنگە، ئەو روونێن ساخلەمە و یێ د ناڤ ماسیان دا ھەی، زێدەباری ڤیتامین B یێ ھاریکار بۆ وان مرۆڤێن ھەست ب کەفتنێ دکەن.
ھەروەسا خوارنا شرینیان و خورانێن خۆش و ب تام ھورمۆنێ سیروتۆنین زێدە دکەت، کو یێ ھاریکارە لەشێ مرۆڤی بێھنا خوە ڤەدەت. ژ ئالییەکێ ژی کافیین یێ د ناڤ چایێ و قەھوی دا ھەی، نەئارامیا مرۆڤی زێدە دکەت و کارتێکرنێ ل لڤینا مێشکی دکەت و لێدانێن دلی زێدە دکەت و مرۆڤی برسی دکەت و دوەستینیت، ھۆشداری ژی ژ ڤەخوارنا کافیینێ ژ دو جاران پتر ل مەھا رەمەزانێ دان.
ژ نەریتێن دیێن خوارنێ یێن دبنە ئەگەرێ وەستیانێ، خوارن ئێکسەر بەری نڤستنێ، ژبەرکو ئەو کارتێکرنێ ل کوئەندامێ ھەرەسانێ دکەت و دبیتە ئەگەرێ تێکچوونا عیرکی و بەرسۆژێ، ئەو یەک ژی یا ھاریکار نینە بۆ نڤستنێ و بێھنڤەدانێ، لەورا یا باش ئەوە دو سەعەتان بەری نڤستنێ خورانێ بخۆن.
