ھۆشداریەک بۆ بکارھێنەرێن مەسنجەرێ فێسبووکێ هاتیە بەلاڤکرن
ئەڤرۆ نیۆز،زنار تۆڤی:
میدیایێن تەکنۆلۆژی یێن جیھانی، ھۆشداریەک بۆ سەرجەم بکارھێنەرێن پڕۆگرامێ تۆرا پەیوەندیان (مەسنجەرێ فێسبووکی)، بەلاڤە کریە.
ل رۆژا ئەینی 22/12/2017، میدیایێن تەکنۆلۆژیێ یێن جیھانی ھۆشداریەک بۆ سەرجەم بکارھێنەرێن مەسنجەرێ فێسبووکی بەلاڤە کریە، تێدا بەحسێ هندێ کریه،کو چەند ھاککەرێن نەناسیار، ھێرش ب ڕێیا مەسنجەرێ فێسبووکێ دەست پێ کرینە و ب ھژمارێن سەختە، لینکێن سەختە بۆ بکارھێنەرێن وی پرۆگرامی ڤرێ دکەن.
ئاماژێ ب هندێ دکەن،کو ب چەندین شێوان لینکێن سەختە بۆ بکارھێنەرێن مەسنجەرێ فێسبووکی ڤرێ دکەن،ب ڤەکرنا وان ژی دێ مۆبایل، یان کۆمپیوتەر یان ژی لاپتۆپێ تە، تووشی ڤایرۆسان بیت، ھەروەسا ئەگەر ھەیە کو هژمارا نھێنیی یا فێسبووکێ تە ژی بهێتە دزین.
داکو ژ ڤێ چەندێ دوور بکەڤی،هەکە ھەر جۆرە لینکەک ژ ھژمارەکا وەسا بۆتە ھات، کو تو نە نیاسی، ب لەز ژێ ببە و ب ھیچ جۆرەکێ کلیک نەکە.
