ھۆشداریەک بۆ سەرجەم ب کارھێنەرێن فێسبووکێ بەلاڤە دبیت
ئەڤرۆ نیۆز،زنار تۆڤی:
ھۆشداریەک بۆ سەرجەم ب کارھێنەرێن تۆرا کۆمەلایەتیا (فێسبووک) ێ بەلاڤبوویە،کو پێدڤیە خوە ژ ھژمارەکا سەختە بپارێزن.
میدیایێن جیھانی ھۆشداریەک بۆ ب کارھێنەرێن فێسبووکێ بەلاڤەکریە و ئاماژە ب هندێ ژی کریە،کو ھژمارەکا سەختە دناڤ فێسبووکێدا ب ناڤێ (Jayden K Smith ) دروست کریە،کو ئەو ھژمارە ئەدد (Add) بۆ ب کارھێنەرێن فێسبووکێ ڤرێدکەت و ھەولا دزینا زانیاری و وێنە و ڤیدیۆیێن وان کەسان ددەت.
ھێما بۆ هندێ ژی کریە،کو ب وەرگرتنا ئەددێ وێ ھژمارا سەختە فێسبووک،مۆبایل و کۆمپیوتەری وی کەسی وەردگریت و دکەڤیتە د مەترسیێ دا،هەروەسا ئەگەر ھەیە ب کارھێنەرێ وێ ھژمارا سەختە،بهێتە ناڤ فێسبووک و مۆبایل و کۆمپیوتەرێ تە و زانیاریێن تە یێن تایبەت بدزیت.
بەحسێ هندێ ژی کریە،کو هەکە ھژمارەک ب ناڤێ (Jayden K Smith ) د فێسبووکێدا ئەدد بۆ کەسەکێ هنارت،پێدڤیە ئەو کەسە ب لەز وێ ئەددێ ژێ ببەت و وێ ھژمارێ ژی بلۆک بکەت.
