ھۆگر چەتو: ھەلبژارتنێن بەروەخت پێدڤی ب ئێک سال ھەیە
ئەڤرۆ نیۆز، قائید میرۆ:
سەرۆک وەزیرێ دەست ژکار ڤەکێشایێ عێراقێ داخوازا ھەلبژارتنێن بەروەخت ل عێراقێ دکەت و شارەزایەکێ ھەلبژارتنان ژی ئاشکرا کر، دەمەکێ زۆر پێدڤیە بۆ رێڤەچوونا ھەلبژارتنان.
ھۆگر چەتو، رێڤەبەرێ تۆڕا شەمس بۆ ھەلبژارتنان بۆ ئەڤرۆ نیۆز دیارکر” ئەنجامدانا ھەلبژارتنان ل عێراقێ دێ پشکەک ژ چارەکرنا ئاریشەیێن نوکە عێراق تێدا دەربازدبیت، چونکە رێڤەچوونا ھەلبژارتنان دێ خەلکەکێ نوو سەر ئێخیت بۆ پەرلەمانی و گۆھڕین دێ ل ھێزێن سیاسی دا پەیدابیت.
رێڤەبەرێ تۆڕا شەمس ئاماژەکر” قانوونا ھەلبژارتنان و کۆمسیۆنێ ژی ھاتیە گۆھڕین، بەلێ ھێشتا رێڤەبەرێ گشتی و بەرپرسێن پشکێن فەرمانگەھا کۆمسیۆنا ھەلبژارتنان نەھاتینە دانان، لەوڕا پێدڤیە دەمەکێ زێدەتر پێدڤیە ئەنجامدانا ھەلبژارتنان ل عێراقێ.
ھۆگر چەتو دبێژیت” قانوونا ھەلبژارتنان گورەی پڕۆسا سیاسی ل عێراقێ یا تەمام نینە، چونکە خواستیە رۆلێ حزبێن سەرەکی بھێتە کێمکرن کو ئەڤەژی دگەل کاودانێن نوکە یێن عێراقێ ناگونجیت.