ھیڤیا وێ ئەوە بزڤریتە رۆژئاڤایێ کوردستانێ
ئەڤرۆ:
سترانبێژا گەنج ( ھێڤی موراد) دیارکر کو کار ل سەر چێکرنا دووماھی ئەلبۆما وێ یێ بەردەوامە و دێ پشتی جەژنا نەورۆزێ بەلاڤکەت
ناڤھاتی کو خەلکا رۆژئاڤایێ کوردستانێ یە و ئەڤە چەند سالە ل ئەلمانیا دژیت بۆ (رووداو) دبێژیت: دووماھی کارێ من بەری چەندەکێ من دو ستران ب ناڤێن ( ئەی شەھید) و (پەنابەرم) چێکرینە، و پشتی لێگەریانەکا زۆر سترانەکا دی یا سۆرانی ژی مە بەرھەڤکریە و ئەڤە ھەموو دێ بنە ئەلبۆمەک و مە ل بەرە پشتی جەژنا نەورۆزێ بەلاڤکەین.
ل دووماھیێ گۆت: ئەز گەلەک حەزدکەم ب ڤەگەرمە ناڤا خەلکێ خوە ل رۆژئاڤایێ کوردستانێ و سترانان بۆ وان بێژم، چونکو ئەز گەلەکا ژ وەلاتێ خوە خەریب بوویم و دەرکەفتنا مە ژ وەلاتێ مە نە ژبەرخوشیا دلی بوو، لێ ژنەچاری بوو.
