ھێزێن ھەڤپەیمانان پۆلیسێن تایبەت بۆ مووسلا پشتی داعش ئامادە دکەن
ئەڤرۆ نيوز:
ھێزێن ھەڤپەیمانان دەست ب مەشقکرن و راھێنانا ھێزەکا پۆلیسێن تایبەت کریە بۆ پشتی کۆنترۆلکرنا مووسل و پاراستنا ئارامیا وی باژێری.
کەنالێ ئەی بی سی نیوز بەلاڤ کریە نھا ھێزێن ھەڤپەیمانان وەکو ئامادەکاری بۆ پشتی کۆنترۆلکرنا مووسلێ. مەشق و راھێنانان ب ھێزێن پۆلیسێن مووسل دکەن.
کارلۆس ئێگێدو، راھێنەر و شێوەرمەند دناڤ ھێزێن ھەڤپەیماناندا کار دکەت دیار کریە کو د ئاستەکێ دەستپێکی دا دەست ب مەشق و راھێنانان کریە، چونکی گەلەک ژ وان کەسێن بووینە پۆلیس بەری نھا مەشق و راھێنان نەکرینە.
جەنەرال کاستیلا کو سەرپەرشتێ مەشق و راھێنانان ئاشکرا کر، ئەو پۆلیس دێ گەلەک گرنگ بن بۆ بەرقراربوونا ئاسایشا درێژخایەنا عیراقێ.
ئەڤە ئامادەکاریە د دەمەکی دانە کو سوپایێ عیراقێ ئالیێ چەپێ یێ مووسل کۆنترۆل کریە و د ئامادەباشی بۆ ھێرشکرنا ئالیێ راستێ ژی ھاتینە کرن.
